29 فبراير
 حبيبي
معرفش لما تقرا الكلام ع الياهو حتقول ايه؟
انا اللي فهمته منك انك كنتي حاسه اني مش انا الفتره اللي فاتت
او اني متغير
يمكن
بس اللي قلته مكنش كذب
بس يمكن اللي ختقريه ع الياهو حيفهمك كتير عن الفتره اللي فاتت
من اليوم اللي قلت لك متتفاجايشس لو لئتيني بره بورسعيد
مكنتش فتره عاديه
سر تعبها انك اخدتي كلامي مأخذ تهريج
وانا حبيت اثبتلك
ان وعودي ليكي زي ماهي اهم ما في حياتي
انا بأذن الله ببدأ الخطوه اللي حتكون مستمره علي طول باذن الله
اللاين معلق
بكتب ع الياهو
المفروض الفون  الجديد يكون معايا خلال يومين تلاته ان شاء الله

25فبراير الساعه 11.31 صباحا

لو اول مره تخشي هنا من زمان ابداي من يوم 23 فبراير لاني بكمل كل مره علي اللي كتبته
ع فكره اللي حكتبه دلوقتي مالوش دعوه بالمفاجاه اللي قلتلك عليها المره اللي فاتت انا بس بحكيلك اللي بيحصل اثناء اليوم
المفاجأه حقولها بعدها علي طول

طبعا انا كالعاده في ايام بعادك خلصت شغل ورجعت اكتبلك في الكافي 
عارفه النهارده لما خلصت شغلي كنت بادئ شغل جديد المفروض اني افرح خصوصا انهم طلبوني بالاسم وبعد اول حصه مع الولد حاولوا يربطوا معايا معاد ووافقوا ع المبلغ اللي طلبته يعني الحمد لله بس نزلت ودخلت العربيه ولئتني عايز اكلمك احكيلك
اوووووووبسسسسسسسسس دانتي مش بتكلميني
فجاه كل الفرحه اتقلبت حزن وكسرة قلب معرفش سببها لحد دلوقتي احنا ليه مبنتكلمش وليه رضيتي تكوني موجوده وتسيبي لي كسرة القلب ليه هونت عليكي؟
 ع فكره بالنسبه للمفاجاه اللي قلت لك عليها 
لما فكرت لئتني اكتر واحد غلط .....عارفه ليه بيري لاني رضيت ان المولود اللي كنت بقولك عليه كنت برضي عليه انه يعيش من غير ما ياكل او يشرب انا السبب حقولك ازاي
بيري لما حبيتك انا اكتفيت بحبي ليكي عمري ما فكرت فيكي كنت دايما بقول سيبها براحتها بس صدقيني انا حرمتك من احلي ما في الحب من مشاعر 
مكلمتكيش عن غيرتي .....مطلبتش منك تعملي حاجات معينه ..... حكمت علي نفسي بحاجات لجل حبك وحتي مكنتش بقولك منها الا قليل.....قلتي لي كتير حبي مجرد اوهام ...ازاي ممكن تحسي بحاجه عمرها ما كان لها تأثير في حياتك الانجليز دايما بيقولوا ايزي كم ايزي جو انتي حبي ليكي كان سهل عمرك ما عملتي حاجه كانت غير ارادتك انتي عارفه اني حرمتك من احلي شعور انك تمنع نفسك عن حاجه بتحبها لمجرد ان ده ممكن يزعل حبيبك
الموضوع مش اختياري ...دي قوانين الطبيعه 
بيري اكيد انتي فهماني وفاهمه عيز اقول ايه
لو ربنا رجعك ليا لازم الدنيا متكونش بتعرج علي رجل واحده عشان لو الحمل زاد متتكسرش 
الشئ الوحيد اللي حيفضل زي ما هو انك تحتفظي بمشاعرك او تسميها زي ما تحبي لان المشاعر تعامل مش مسميات
ليه منجربش كده...ليه منجربش نعيش اللي بنا بشكل صحيح مفيش حاجه اسمها كل حاجه اللي انتي تحبيه وبس ولا انا كمان في حاجه اسمها اتنين في واحد
في حاجه اسمها اتفاقات
في حاجه اسمها حبيب مش تسيبيه وترجعي تلائيه ولا حتي تاخديه معاكي ...لا هو كده كده جاي معاكي
لو ربنا كرمني باحساسك بيري انا حكلمك في لبسك واصحابك  حتي في سهركوا لفترات طويله
ع فكره اللي يقرا الكلام ده ويكون عارفك حيقول طب ما يقولها نفترق اسرع ههههههههه
بس انا كل الحكايه شايف ان المشكله عندك مش فيا ولا فيكي المشكله في شكل اللي بنا
وانا حابب انه ميقرفكيش تاني حابب يكون ملموس ومحسوس وده مش حتحسيه الا لو عشتيه 
عارفه مش حينفع تردي وتقولي اه او لأ 
اللي حيحصل لو وافقتي وانتي لازم توافقي عشان اللي بنا كمان مش سهل او هايف او شعور ممكن تلاقيه كل يوم
لو وافقتي احنا حنسيب الامور تمشي بلراحه  ونبدا نغير حاجه حاجه ونشوف لان دي حتكون بجد اخر حل انا مش عايز اكتفي اني افضل احبك لوحدي كده
اللي جوايا ليكي محتاج قلبي وقلبك يادوبك عشان يكفي
لان قلب واحد ميكفيش لكل اللي جوايا ليكي
كلامي من اوله كده شكله صعب ....بس تعالي نحاول صدقيني  انا حاسس ان ده هو الصح
انتي بتفضلي يومك كله عايشه بدوني معاكي ومش اقصد تواجد لا  اقصد احساسك بيا فين اللبس اللي ممكن يتغير عشان احمد فافضل فكراه او فين الاغنيه اللي بسمعها له او فين الرد اللي حرد بيه علي رسالته اللي  كاتبهالي ... وفين وفين .... 
طبيعي انك متحسيش حاجه من حد اتفصلتي عنه
بيري صدقيني جربي وزي ما بقولك بلراحه خلينا نبدا عشان بعد كده الموضوع حيكون سهل
ع فكره انا اقدر اجي القاهره كل اسبوع واكتر من مره كمان حتي لو مكلمتكيش بس حتشوفيني وليه مشوفكيش ونتكلم وسط الناس
يعني حتجسد جوا حياتك بجد بس كمان لازم اكون عارف ان وجودي حيقربنا مش حيبعدنا وجودي معاكي في موقف زي العيد ميلاد ده كان ممكن يعمل مشكله او اساسا ضهورك بلبس قصير وملفت حيعمل مشكله
بيري انا لو كنت بحاول اقرب بس كنت بخاف اقرب لدرجه انك تبئي ادامي معرفش ايه ردود افعالي علي المواقف اللي مش بفهمها منك
عارفه ايه المشكله؟ اننا اكتفينا كل واحد مكانه بيبص للتاني من غير ما يقرب
لا خلينا نقرب
يا القرب يقربنا ياما يبعدنا بس لو القرب بعدنا صدقيني حيقنعنا ان وجودنا مع بعض معتش مفيد لينا يعني حيوفر علينا نار كلمه بس لو كان عمل
بس لو كنت عملت
فاهمه ؟ اوعي تقولي انك عايشه حياتك عادي جدااا مينفعش ومش حصدئك اصل بردو سنتين من العمر مش هوا
وبلذات مع انسانه  مشاعرها حساسه زيك
صدقيني يا بيري جربي مش حنخسر حاجه بس لو كسبنا حنكسب كتير
ع الاقل مش حنكسر قلوب كل اللي عملته انها صدقتنا لما قلنا لها افرحي معانا طالما نقدر نحافظ علي فرحتنا 
انا بقولك كده عشان فعلا معتش ينفع اكون بحبك اوي للدرجه دي ومانع نفسي عن حياتك اوي كده وواخد موقف حيادي 
مفيش حب محايد حبيبتي حغير عليها وحعرف لابسه ايه وحقول رايي وحفهمها وحفهم منها 
يا نتفق ياما  نفترق بس حنكون مقتنعين اننا مننفعش نكون اكتر من اصدقاء 
سيبك مني ومن حبك ده بئه حاله ميئوس منها ههههههه انا عاشئك دايما بس كمان معنتش قادر اشوفك ومتكلمش 
عارفه
كنت حابب اكتبلك خواطر بس لا
احنا في موقف لازم نفهم بعض قلب وعقل كمان 
وعشان كده بقلبي حقولك بحبك
وبعقلي حقولك مينفعش استغني عنك
وبالاتنين حقولك وحشاااااااااااااااني

25فبراير الساعه 4.25 صباحا

لو لسه اول مره تخشي من فتره الكلام ده كنت بكتبه كل يوم يعني بدايته مش هنا هاتي 23 فبراير دي البدايه
 حبيبي معلش حاولت اكتب تاني بس مش مظبوط 
حكملك بكره او كمان شويه
انتي وحشاني اوووووي وغيابك كان علي عيني

25فبراير الساعه 1.25 صباحا

لو لسه اول مره تخشي من فتره الكلام ده كنت بكتبه كل يوم يعني بدايته مش هنا هاتي 23 فبراير دي البدايه

حبيبي انا روحت البيت يدوبك صليت وعملت نسكافي وبكتبلك

مقولكيش انا بشرب نسكافي اد ايه بس بيني وبينك افضل من السجاير يارب انتي كمان تبطليها 

انتي عارفه ان من اول يوم فكرت اني ابطل كان نفسي انتي اللي تشاركيني فيه مين عارف؟

نكمل بئه

.......قلتلك في 3 مواضيع حيرتني ولخبطتني الاول والتاني اتكلمت معاكي فيهم اما الموضوع التالت 

موضوع عيد الميلاد عارف اننا اتكلمنا فيه بس لو تعرفي الموضوع ده اد ايه كاسر جوايا الفرحه كل ما افتكره

حبيبتي لابسه قصير واحد بيعاكسها وواحد بيتخانئ عشانها وطبعا من الطبيعي انه يتشد فبلاش نقول زعق بس حنقول اتشد عليكي او اتنرفز وده طبيعي بس ده يظهر ادام الناس لدرجه ان صاحبتك تدافع عنك؟؟؟؟ انتي فاهمه دي صاحبتك بتدافع عنك يعني انتي حتي معرفتيش تدافعي عن نفسك 

...بيري انتي فاهمه ؟ بيري اللي بكون عامل حسابي انها ممكن تاكل اي حد لو ضايئها وده كان مريحني ومطمني احس ان صاحبيتها بتدافع عنها ...

عارفه ده كان بلنسبه لي زلزال لدرجه اني من يومها كل ما افتكرها احس بان دماغي بتتشوك واحس بشوك فيها

 مش حتصدقي ان حتي داوقتي انا حسيت بكده معلش اديني شويه حرجع تاني 

هههههههههه

بكلمك وكانك معايا اون لاين

ع فكره انتي مش اون لاين للكن حفضلي معايا

لما حرجع حقولك كلام مفاجاه ليكي

24فبراير الساعه 23.05

لو لسه اول مره تخشي من فتره الكلام ده كنت بكتبه كل يوم يعني بدايته مش هنا هاتي 23 فبراير دي البدايه

كده انا خلصت شغلي وروحت الكافي اكتبلك

انا مش ع النت انا بكتب ع اللاب وبعدين انزله ع البلوج

عارفه

كل مره كنت بقولك في هديه ع البلوج المره دي الوضع مختلف

لو مدخلتيش يبئي الكلام اللي هنا مش من حئك مش ليكي و ع الاقل مش حزعل اني رخصت مشاعري

بس لو دخلتي زي دلوقتي ....هههههه مانتي مش حتقري الكلام ده الا لو دخلتي يبئي زي ما قلتلك انتي بيري اللي بتحس بمشاعر من اول ماتولدت  مع حبك وهي بريئه

المره دي حاجه غريبه بتحصل حقولك عليها كل مره كان زعل عملته بقصد او بدون قصد او حتي كلمه مخدتش بالي منها لكن دي اول مره الجنونه تطلع علي حاجه معملتهاش اصلا بس اقولك حاجه المشكله المره دي اني انا كمان عندي حالة من اختلال القوي جوايا ازاي؟ حفهمك

دايما عندي موازين القوي معروفه انتي وولادي ومعاهم واجباتي  كحد مسئول عن عيله دول اكتر قوي مؤثره ممكن تغير من حياتي او ان تصرفاتي بتكون محكومه وبتتغير علي اساسهم

انا بسميهم قوي لان قوه حبك انتي وولادي ملهاش مثيل وبتخليني اعمل الممكن ليهم وانا مبسوط

انتي بلذات دايما مسميكي القوي الناعمه ....لما بسمع المصطلح ده ف التوك شو بضحك المهم  انتي القوي الناعمه في حياتي واللي بس بضحكه منها او امنيه ليها اقدر احئئها ممكن تلاقيني ممكن اولع في الدنيا بس احئئها صاحبة اقوي تأثير بانعم واهدي الوسائل يكفي احسك زعلانه عشان الدنيا تسود او العكس

لما كنت بقولك انتي غير الناس انا  فعلا كنت اقصد المعني ده انا شايفك وحاسك كده مانتيش زي حد حتي اصحابك كنت بشوفك دايما وسطهم

مش علي جنب وكانهم كلهم بياخدوا من نورك عشان ينوروا المكان

الايام اللي فاتت مرت عليا مواقف خلتني في حاله احتيار دي اللي بقولك عليها اختلال موازين القوي

القوة المطلقه اللي بشوفها فيكي واللي حتي كنت شايفك بيها اقوي من المرض

فاكره لما قلت لك كده؟

حصل 3 مواقف كانت غريبه الاول لما موضوع العربيه اتكرر ووقفتوا كلمتوا شاب وانتي معاهم وسالتك هما مسألوكيش؟

قلتي لا سألوني وانا قلت معرفش ايه صدقيني مش فاكر لاني كنت بفكر ازاي يبقي فيه اختيار او حتي تفكير ,,, احنا زعلنا قبل كده من بعض بسبب ده

واتفقنا بلاش يتكرر كمان ازاي حاجه مش مقتنعه بيها توافقي عليها بس لمجرد وقت ظريف او انه شاب مؤدب هو انتوا قبل ما يقف عملتوا عنه كشف حاله امنيه وعرفوا انه حسن السير والسلوك

انتي غلطتك اكبر اولا لانك غيرهم انتي بيري

يعني ايه واحد لمجرد انه شكله حلو او راكب عربيه حلوه بسهوله كده يوقف عربيتكوا

لا وايه يكلمك ويتوقع انك عقرب ......تفتكري دي حاجه اسمعها عادي كده؟؟؟

وواوو بيري بجد انتوا هايلين اتعرفتوا عليه ....ووواوووو اخص عليكوا مش كنتوا تاخدوني معاكوا؟.....كان ده المفروض يكون ردي صح؟

بيري انتي بيري ازاي تدي فرصه لواحد بعربيه يكلمك

يعني لو شافك في مكان وواحد قاله البنوته دي قمر بالله عليكي مش حيرد يقوله لو عايز اكلمهالك عادي جدا دانا قبل كده وقفتهم بالعربيه؟ انتي بيري بس انا كمان راجل وصدقيني اللي ان قلته ده تفكير الرجاله خصوصا لو بيحبوا يلعبوا

بيري طالما انتي بتقري الكلام ده يبقي انتي دخلتي البلوج

ولو دخلتي يبئي انتي بيري اللي بتفهمني ومش بتزعل مني لانها عارفه اني بعشئ الارض اللي بتدوس عليها

الموقف التاني موضوع اللبس القصير ....هو اي مناسبه معناها اني البس قصير يعني الشياكه ملهاش معني من غير جسم مكشوف شويه؟

تفتكري ان اللبس المقفول مش شيك؟ بيري انا قلت لك دي نعمه انتي مش بتحافظي عليها

ممكن سؤال؟ لو مره اتقطع الخط بتاعي و انتي عرفتي ادتيني خط بتاعك وقلتي احمد استخدمه عشان شغلك بس اوعي تكلم بيه مكالمات شخصيه او مثلا اوعي تتصل بيه دولي

وبعدها تلائيني اتصلت دولي وشخصي ...مش حتزعلي وحتاخدي مني الخط ؟

ربنا لما اعطانا نعمه مطلوب مننا نحافظ عليها ونستخدمها الاستخدام اللي مطلوب مننا لاني خايف عليكي من كلمه والا .....

متقوليش يعني ايه واحد حيبص هو حيستفيد ايه؟

انا اسف بس افهمي اللي حقوله كويس

اكيد تعرفي الحديث الشريف اللي بيقول" العين تزني " شوفتي خطورة الكلمه طب شوفتي خطورة ان ده يحصل لما حتي يبص علي حته من جسمك

بيري انتي فاهمه .... كارثه

متقوليش حاجات كتير حرام اها صح بس نحاول نقلل مش نزود كمان قلتلك دي ممكن واحد يصورك وانتي قاعده وكل مره يفتح الصوره يبص عليها تاخدي انت سيئه يعني هو اللي يفتح الصوره وانتي بتاخدي سيئات في افضل من كده لاي شيطان عمال يحلي لك اللبس القصير عشان حاجات زي كده علي فكره انا قلت لك قبل كده وحقولك تاني اليوم اللي انتي حتقربي من ربنا في اي عباده حتعمليها بكل امانه عشان كده حتلائي ان الشيطان عارف ده كويس بيحاول اوووووووي يحلي اي حاجه في عنيكي تبعدك عن ربنا لانه عارف لو عملتيها خلاص مش حيقدر يخليكي تغيريها تاني

مش حقولك انا بلنسبه لك وحبي ليكي

لا خلينا نقول ده كمان

خليني اقول انا اللي جواكي

يعني انت عمال تنصحني وانت ؟ ع فكره انا عارف ان حبي ليكي  مش خالي من العيوب....

بس اللي انتي متعرفهوش اني بلفعل جتني فرصه اكون ف القاهره لما جتني فرصه اسماعيليه انا اللي رفضت انا قبلت افضل بعيد عن اني اقرب منك

عارفه ليه؟

عشان ميحصلش مره انك تكون ليا اكتر من مشاعر

عمرك ما كنتي جسم ليا دايما مشاعر عمري ما بتكسف من حبي ليكي بلعكس

الحب جواه الرغبه في الحبيب انا حبي ليكي عشان مرتبطش بجسم عمري ما رغبتي فيكي كبرت علي حبي ليكي يعني الحب هو الاقوي

حاجه تانيه فكري بيني وبين نفسك كده..... انا اللي قاصد لما اكلمك عني اقول غالي مش حبيب واللي بنا مش حبك ليا عشان ميكونش طلع منك كلمه ....حتي كلمه تزعلي انك قلتيها ..الاول كنت بزعل لاني كنت اناني لكن لما حبيتك اكتر من نفسي ادي اللي حصل خوفت حتي علي شكلك ادام نفسك علي شعور حموت احسه منك انتي بللذات

عمري ما وافقت علي لبس قصير عشان حكون معاكي واشوفه

او عارف انك حتلبسي مايوه وموافق بس عشان حكون معاكي وحتمتع لا بلعكس حرمتك عليا حتي اللي انتي سامحه بيه اقصد مثلا لو لبس قصير او مكشوف انا مش ببص عليه وافتكري انك لم بعتي لي صورتك اللي فيها فستان قصير مفرحتش بيها عشان تبعتي تاني لا بلعكش افتكر ان يومها اتخانئنا

حكملك مره تانيه بس خليكي فاكره وقفنا فين

24فبراير

حبيبي انت حموت عليك

  وحشتني يا مجرم يا صغنن

كنت عيز احكيلك عملت ايه

امبارح مكتبتش هنا كنت بكتب هناك ع اللاين يمكن عشان  حسيت انك ممكن تخشي هناك

بس ف الاخر حسيت انك لسه مش ناويه تخشي هناك دلوقتي

ع فكره انا بكتب هنا لان اللي بتخش هنا هي بيري اللي بكتب لها هي اللي الاحساس عندها اهم حاجه

بيري اللي مش شايفه ان الاحساس ده حكاوي للاطفال

اليوم اللي حتخشي هنا هو اليوم اللي حيوحشك فيه احساس احمد لبيري

حواليا زحمه مش عارف اكتبلك اللي عيز اقوله

في كلام مهم محتاج اقولهولك

حخش تاني النهارده اكتبلك

انا بحبك  

23فبراير

حبيبي ازيك

  بيري انتي وحشاني

اوووووووووووووووووووووووووووووووووووووووووووووووووي

انا معنتش حكتبلك غير هنا

في واحده بترد علي حسابك بتاع لاين بس مش انتي

التانيه انسانه حتي مش عارفه يعني ايه اهمية اللي بنا

تصدقي انها  اكتر من مره تحسني غلط انتي مش كده انتي بتحسيني حتي من غير ماتكلم حتي بتعرفي مالي ولما بيكون عندي ظروف انتي اللي كنتي بتساع\يني عليها

فاكره لما كنت مسافر القاهره عشان المقابله وفضلتي سهرانه اللي قاعده مكانك دي بسبب ظروف اتحطيت فيها تصدقي بتقولي اني بحور

ايه ده؟

لو سمحتي ابئي عرفيها اني عمري مااستنيت منك حاجه عشان احور عليكي

وفهميها اني لما كنت حتي بحاول اخبي عليكي حاجه مضيئاني عشان مزعلكيش كنتي انتي اللي بتعرفي

بيري انتي فين؟

ليه مش بتردي عليا

طول عمرنا لو في حاجه بنا بنحلها

وبعدين انتي قلتي مش حتزعلي مني طب انا اساسا معملتش حاجه تزعل

وحياة  بيري عندي انا فعلا حصلت لي الظروف دي وفضلت 3 ايام مش عارف اتصل

بس انتي حعترفلك بحاجه انا مقولتهاش للتانيه دي

بصراحه انا فعلا كان عندي المشكله ويمكن اسوء بس كمان كنت زعلان بس مكنش ينفع اتكلم في رسايل

بيري ازاي تخلي حد يزعئلك ادام الناس عشان لبسك ؟؟؟؟

انتي عارفه اني مش حابب اللبس يكون كده

بس ازاي انتي حد يزعئلك وادام الناس

كمان ليه حبيبي دايما نلبس قصير لدرجه ان حتي اللي بيلبسوا قصير يتكلموا

انتي وعدتيني حتخلي بالك من نفسك بس كمان حتحافظي علي نفسك

بيري

كل ما فيكي امانه عندك ربنا ادهالك حافظي عليها ربنا يحميهالك ويبارك لك فيها

بكره حكتبلك هنا لو مردتيش ع الفون

انتي وحشاني 

14فبراير عيد الحب

يوم ميتنسيش

في العمر تمر ايام منهم يوم ميتنسيش

                                                                  وكأن عمرنا بدأ فيه من اولـــــــــــــــه

يا ما ايام بتشئنا وكأننا فيها بنعيـــــش

                                                                  ندور فيها ع الحب حتي مانقدر نحلمـه

حتي فرح القلب نستناه و ميجيـــــش

                                                                 والضحك بلعافيه ع الوش بنرسمــــــــه

وكأن القلب رافض يدئ علي مفيش

                                                                مستني الحبيب ولجله كل الحب محوشه

ع الحال ده تمر سنين وسنيــــن

ع الحال ده يفضل يكوينا الحنين

ع الحال ده نفضل في كل يوم مستنين

لحد ما ننسي او نمثل ونعمل ناسييـــن

وتتولد جوانا صرخه من غير صــــــــــــــــوت

نبض مشاعرنا يضعف ..تترجانا مانسيبها تموت

تحن عليها العين بدمعه والشفايف لازمه السكوت

ونصبر نفسنا ان العمر حيعدي والايام حتفـــــوت

وتترمي المشاعر علي سرير المرض من تعبــها

ونبضها الضعيف وخزه في قلبنا بيفكرنا بحالها

وف عز استسلامنا وكاننا رضينا غصب عننا موتها

تحصل المعجزه ويظهر الحبيب اللي ياخد بايـــــــدها

يجي اليوم اللي الحبيب يقومها من نومتــــــــــــــــــها

يغير تيابها بتوب الفرح وبالالوان يصبغـــــــــــــــها

ادي اللي حصل معايا من سنه ونص لما كنت مستنيكي

لما جه اليوم اللي نور حياتي لاول مره بيـــــــــــــــــكي

عرفتي ليه انا بكل ما فيا ماسك فيــــــــــــــــــــــــــــكي؟

اصل من يومها حلفت ايامي متتعاش الا ليــــــــــــكي

والروح هجرت جسمها ملزماكي .. تطمن عليـــــــكي

الضحكه تتولد ع الوش مع كل ليله ف لياليــــــــــــكي

والحضن بئي مهم اصل مهمته يحضنك ويحميــــــكي

والعين لو اتكشفتي من البرد بدل ما تشوفك تغطيـكي

حتي المشاعر اتسطرت خواطر لجل ما ترضيـــكي

توصفك بكل حلو وبأسم الحبيب تسميـــــــــــــــــكي

وياكي مشاعري عاشت كل لحظه حلمت بيها

مشاعري حلمت بيكي وانك في يوم تحسيــــها

مش انتي اللي من مرضها خففتيــــــــــــــــــها

بعد قرب موتها من جديد حيتيـــــــــــــــــــــها

دانتي حتي من الكسر في عز غضبك بتحميها

انتي اللي بتخافي بجد عليها

عمري ما حيأس ان الحب قادر ينور ايامنا

قادر يضمنـا

قادر يحلم لنا

قادر من احزانا يشدنا

قادر يخلي حئيئتنا اجمل من احلامنا

قادر يدفي يالحبيبه مشاعرنا

ايام طويله عدت معاكي ما فيها فرحه غيرك

لهفتي تسبق كلمتي مستنيه تجيلك

والايد من شوئها حست بلمسه ايدك

وشفايفي لما بتنطئ اسمك كانها بتغنيلك

انا معاكي يا حبة الجلب مشاعري حره بتوصلك

من غير ايدين كل كلمه حروفها بتلمسك

لو اتكلمت تسمعي لو سكتت صمتي يهمسك

انا حبي بيحضنك

حبي مش وهم.. حبي هو اللي دلوقتي طاير بيكي ومونسك

مش حاسه دلوقتي حبي ؟؟ بذمتك

وحياة محبتك

وحياة كل لحظه في ايامي عشئتك

ما عمر خطاويا تفارئ خطوتك

أأسي انتي وخلي اللي جوايا يحنلك

ابعدي وشوفييني بوصلك

اهربي حتلائيني بوجدك

ولو عاد بيا الزمن حدور عليكي ومن جديد حعشئك

من تاني وتالت حقول ابعدي مش حبعد

اعندي ححضنك ومش حعند

اخلفي وعودك من جديد حوعد

حوعد بكل 14 تلاقيني هنا

بكل حب في كل ثانيه ف عمرنا

بالاخلاص عنوان لحبنا

عارفك عنديه ....بس  بحبك

من كل 14 ليكي هديه... بتقولك بحبك

عيد حب سعيد ومعاه عيد حبك

يالي استنيتك سنين طوال انا حفضل عايشلك

من جديد يا حبيبتي حقولك

بيري... انا بحبك

كل يوم 14 وكل عيد حب وانتي طيبه