29 نوفمبر

من تاني

بغضب وازعل واقفل الورقه واحلف ما حكتبلك تاني

عاشئ حتي ضلك ولا متي فاكرك ونسياني

بايع دونيتي وسكنتك دنيا ولامتي شاريكي وبيعاني

ولا خطوه تتم الا بيكي انا شايلك جوايا ليه ورمياني؟

ليه يالي فرحتك سر فرحي بتهون عليكي احزاني

هو كتير عليا تفضلي فكراني؟

الفجر ناطرك

الصبح حابك

الضهر عاشئك

العصر طال البعاد واشتائلك

الليل مستني قربك

اتأخرتي اكتبلك

وفي نومي حالمك

امتي يا حبة القلب حيحسك القلب جياني

دانا من كتر ما جيتك كتبت اسمك في بطاقتي عنواني

ماهو العنوان مش حروف

العنوان سكن مفهوش خوف

يا حبيبتي وفيها ايه لو حسيتك شرياني

ماهو حبك دم بيجري جوا شرياني

وفيها ايه لو وحشتك اوي ومن وحشتي حضناني

ماسكه كفوفك بكفك...لمساني

من كل الدنيا وخداني

محوطاني

كام مره قلت لك حضنك هو اماني

عارفه؟

بعد كل الزعل الائيني ماسك ورقتي وقلمي وبكتبلك من تاني

سامحي زعلي يا نور عيوني مانا برضو بشر والبشر ضعف

او حتي اعتبريني حبيب محتاج اوئات للعطف

دانا من كتر حبي ليك مش لائيله وصف

لو بايدي كنت خطفتك بجد خطف

كنت جريت بيك بعيد انا وانت لوحدنا

ما صوت ولا حاجه تقطع همسنا

كنت مافارئتي عيني لحظه وحلمنا سوا حلمنا

كانت العصافير اتعلمت  الطيران مننا

كانت بنت عشها زينا

او حتي غارت مننا

من كتر قربنا

كانت الورود سمت نفسها باسمنا

وحتي بعد كل الزعل الائي القلب بيسالني عليكي

وكانه قاصد يهمل زعلي علشان منيكي

ميغنيش غير  غناويكي

ميفرحوش الا حكاويكي

قلب بنفسه رمي نفسه بين ايديكي

مش مره كنت امنتك عليه؟

قلت لك اوعي تنسيه

دانا حتي قلتلك حنني طبعك عليه

قربيه

احضنيه

قبل دا كله طمنيه

دانتي اللي لما حبك من ضياعه ردتيه

انتي اللي حييتيه

رديتي الروح اليه

تممي حنينك عليه

يا حبيبتي دا حبيبك...حبيه

25 نوفمبر

احساس ماقلتهوش شفايف

فكرت ليه مبتكفنيش كلمه بحبك لئيت احساسي بيكي لسه ماقلتهوش شفايف

اجهز كلام اقولهولك اول مااسمع صوتك معرفش اتكلم رغم اني كنت عارف

تئول الو..ينقلب الحال

ويصبح وصف احساسي ساعتها محال

فجأه يتربط اللسان وملائيش كلام يتئال

اوقات بخاف تزهئي ..دي الحقيقه صدئيني ببئه خايف

مش كتير بقولك لو زهئتك معلش ...اسف؟

وساعات اقول ايه الكلمه اللي توصف وتستاهل ائولها واجازف

اصل ايه الكلام اللي يوصف احساسي بيكي

ولو لئيت طب ايه الكلمه اللي تحكي شوئي لعنيكي

او ايه الكلمه اللي تقولك اد ايه ملهوف ان حضني يدفيكي

ايه الجمله اللي تقولك من كتر خوفي نفسي م الدنيا اخبيكي

او حتي اني زهدت الدنيا ومعنتش الا ليكي لوحديكي

بس من تاني ارجع واقولك مش كفايه كلمة حب

ماهو اللي جوايا ميتوصفش بس بكلمه حب

انا عارف ان كلمة حب مش بحروفها وانها بمعناها

او تقدري تقولي باحساسنا جواها

او حتي باللمعة اللي ف عيونا وشفايفنا نطأها

بس بردو انا اللي جوايا اكتر من كلمة حب

وهو امتي نقدر نقول ان دي علاقه حب؟

مش اي حبيب بيحب زي ما بيحب يتحب

هو مش الحب قلب؟

طب ما هو الحب يا حبية الجلب بين اتنين

داحتي القلب اللي بيشيل الحب سبحان الله مقسوم نصين

نص شمال و النص التاني يمين

يا حبيبي الحب لازم يكون بين طرفين

مش صح كلامي ياام قلب اتحط في اليمين

مسمهاش علاقة حب اللي بتكون دايما من طرف واحد او تالت

الحب بيرد قلبين كانت في زحمة الدنيا تاهت

الحب ميعاد بين روحين فضلت غريبه وف حضن بعض اتلائت

انا حتي مكنتش طرف اول او رابع انا طرف خفي

قلب جمع الحب من قلوب كل اللي حبوكي وخفي

 وعشان محدش يشاركه حبك حب يعيش مختفي

الدنيا ليكي لوحدك بحبك عايش مكتفي

عايش خفي وكفايه عليه احساسك انتي بيه

بيحبك ومعندوش غير حبك يخاف عليه

رضي انه يحب وبس حتي نسي انك تحبيه

عشان كده انا اللي جوايا اكبر من حب اي حد

انا حبي عدي كل حد

حبي ليكي موقفوش ظرف ولا حتي سد

انا اللي حبيتك وقولت وحتي مستنتش منك رد

حتي لما بقف لوحدي بقدر بحبي اصد

قادر اصون العهد

قادر اربي علي حبك الولد

الحبيب بيحب بس بيزعل ..انا حبي مفهوش زعل منك

انا لو خوفت بخاف بس علي زعلك

دانا حتي بخاصمني لو في يوم زعلتك

دانا لما بتوجع منك بهرب جوا قلبك

شوفتيش حد ميكلمكيش عشان يفضل يكتبلك

لما بتئصدي تأسي عليا بهرب منك واكتبلك

قلب جواه تتولد يوماتي جواه خواطر اكمنها بتفرح مشاعرك

اكمني بحبك... من غير ماستني منك بحبك

اقولك بس انا خايف من ايه؟

خايف تفضلي نسياني طول يومك والايام تفوت

خايف تستخسري فيا صوتك وتستهلي صوت السكوت

اتولد يوماتي مع اول كلمه خواطر وفي اخر سطراموت

22 نوفمبر

بدور علي حلمك وسط الاحلام

تفضل جوايا طول اليوم وف الليل احضن صوتك اللي جوايا وانام

اغمض عنيا واشتائك في الحلم .. الائيني بدور علي حلمك وسط الاحلام

أتاريك ملكت مني حتي الحلم ..نفسي احلمك خايف لتوحشني في المنام

ويتولد صراع بين روح عيزه تنام وتطير وياك في حلم

وعين رافضه تغمض لجل ماتفضل صورتك ادمها في العلم

و ما بينهم شفايف تبتسم كل ما توحشها تنطئ حروف الاسم

وقبل ماينام الجفن تظهره له صورتك يبوسها ويهديها السلام

وتتلف الدراعين يحضنوك لجل يدفوك و لسان يحكيلك حكاوي الغرام

والشفايف وسط الحكايه تهمس بحبك وكانها لسه عطشانه للكلام

ماهو اصل كلامي ليك احساس مينتهيش يتفهم من غير علام

حتي لو محلمتكيش تشوفي معايا حلمي وكأن حبك بيتحدي حتي النوم

تشاركيني نومي واحلامي واستغرب لما الائيكي وحشاني اول ما الصبح اقوم

حبك زي الشمس القويه تحس بنورها ودفاها حتي من ورا سحاب اوغيوم

حبك بيتحدي الظروف حبك بيسعد القلب حتي لو مليان هموم

حبك باقي علي طول السنين حبك من يوم ميلادي حبك مش م اليوم

من بين كل اللي حواليكي لو بنهم حب حئيئي حتلائيه لوحده منك بيقرب

حتحسيه لوحدك وحيبئالك الاغلي حتي لو حاولت عنيكي الف مره منه تهرب

القلب مبيهربش اصل القلب بطبعه بيحن للي بيحسه منه اقرب

حتلائي غصب عنك قلبك ساكنه وفي بعاده بس حيحس انه متغرب

وروحك ديما حتكون عطشانه لكلامه وكأن كلامه نهر اليك وحدك تشرب

زي ماروحي حبت روحك وزاد العشئ جوايا بتقرب حتي لو طريقك اصعب

دا حتي بلعكس كل ما طريقك يصعب يتحدي قلبي الصعب

رافض لكلمه بعاد وفي عز بعاد الاجساد يزيد احساس القرب

لو اسيتك الدنيا عليا يرد عليكي حنين خارج م القلب

حتي لو يوم هجرتي كان بيردني ليكي قلب مليان بلحب

عشان انتي الحلو اللي في حياتي بحب ديما افضل فاكرك

تخيلي اني بفضل اذاكرك

بحب اكون فاكر طبعك

ايه اللي يسعد قلبك

ايه اللي ممكن مني يضايئك

ايه اللي يقربني منك

ايه اللي ميبعدنيش عنك

وبعد ما اذاكرك الائي القلب بيشتكي اني شغلت العقل وانه واحشه يحبك

اتاريه سابني اذاكرك بس ف الاخر اشتائلك

حابب هو كمان يفتكر كل كلمه منك

اي كلمه حلوه قالتها شفايفك

كل لحظه سكتت شفايفك ونطق قلبك ..وسمعتك

يفتكر دوبان جسمك بين ضلوعي لما حضنتك

يفتكر دفا ايديك لما بايديا مسكتك

يفتكر حلاوة قربك

ولجل ما يفضل جنبك

يفتكر مرارة بعدك

ويحلف ما يبعد عنك

حبييبي

انا عقل مفكرش الا في فرحك

وقلب مفهوش الا عشئك

انا م الاخر حد دايب جوا حبك

21 نوفمبر

متغيبش كتير

متغيبش كتير...ولو غيبت غصب عنك علم قلبي ازاي متوحشنيش

علم البال ميسرحش فيك و يبطل تفكير...... او يفكر بس ميسألنيش

ماهو معندوش غير سؤال اول واخير.....سألتهولك كتيروانتي مجاوبتنيش

هو انا بوحشك؟

هوانا في غيابك بونسك؟

بتحسي بيا لما بغطيكي والمسك؟

بتشوفني من شعاع الشمس برسمك؟

حساني وانا من صوت العصافير بسمعك؟

سامعه صوت شفايفي وهي باسمك بتهمسك؟

دقايق قربك من سرعتها بتطير....والثانيه في بعادك تقف مبتعديش

قلبي اللي بيعشلك اسير...... ناطر ميعادك ليلاتي حتي لو مجتنيش

اسير بيرفض بنفسه التحرير......حابب يعيشلك ضميه متردنيش

مهما يحبك حاسس بتقصير.....ويخاف من زعل قلبك او انك متسامحنيش

بخاف من حب ميوصلكيش وانت نجم ف السما عالي

بخاف من انك متعرفيش انك انت وبس الغالي

انت احلي امل ليا ...انت كل امالي

عشان كده انا دنيتي في قربك بس يتحلالي

وياك بحس ان دنيا حنينه ندهالي

كابشه من حنيتها ووهبالي

مطمناني

مفرحاني

من وسط كل الهموم وخداني

لعالم تاني

لعالم مفهوش غيرنا

عالم مربوطه فيه مصايرنا

عالم من حبه لينا حاضنا

عالم حن علينا وحب يحس مشاعرنا

ياه علي حلاوة وقت قربك وفرحتي بيها

متعرفيش اد ايه بدوب وانا مستنيها

دانا من شوئي اليك اول ماقفل بعيد كل كلمه فيها

متنمش العين اللي لما اعمل كلامك حكايه واحكيها

اكمنك يا حبيبتي بتوحشيها

حتي وانتي معاها بتوحشيها

20 نوفمبر

الحب امل

لما تبرد من عتمة ليل ابتسم لانك حتصحي ومالي عنيك دفا نور الصباح

النهارده بتاعك واللي معاك وبيحبك ليك..اياك تسيبه وتدور علي حد راح

خلي من حبك دوا يشفي بيه قلبك جسمك لو اتألم من جراح

خلي قلبك يسمعك من تاني كل كلمه حب اتقالتلك حتلاقي ضيئك انزاح

حتي لو زعلت من حبيبك دور جوا منك لحد ماتلاقي جواك السماح

ولو فرحان قوله بحبك..قوله واحشني..ليه حتسكت عن الكلام المباح

لو قالك هو بحبك حسها..عيشها..احضن كلمته حتي لو كررها بالحاح

الحب قادر يخلي  نور قلوبنا يطلع ..الحب موجود..الحب مش رواح

ثومه قالت "امل حياتي" يعني خلت في حياتها الحب امل

امل حياه يعني هدف يستحئ من الحبيب العمل

امل تلمسه في فرحة قلب ان احساسه لحبيبه وصل

شعور جميل حنين شعور حلو بحلاوة العسل

انا بحسه وانا بكتبلك او مستنيكي او حتي علي فونك بتصل

سامع حليم بيقولك علي اد الشوء اللي في عيوني ياجميل سلم؟

عارف يعني ايه سلم؟ يعني اتكلم

قول لحبيك اللي جواك عشان يرتاح القلب اللي ف غيابك اتالم

ماهو الشوء ميبنش في العين الا لو جوا القلب علم

اوعي تأسي علي احساس بلحب علي حبك صمم

اتكلم وعلي اد شوء حبيك سلم

اوعي تخلي سلامك سلام ناس عاديين

الناس تعرفها ايام بس الحب لو صادئ تعيش جواه طول السنين

الحب كلمه لوحدها تمسح من جواك كلمه آنين

وايه احلي من اسمين يتكتبوا في كتاب العاشئين

ايه احلي من ليالي تعيشها لحبيبك جواك مفيش غير حنين

حنين للمسه ايدين

لنظرة عنين

لحضن تطير وياه حتي من غيرجناحين

لصوت حبيبك اللي بياخدك وياه وينسيك انت فين

انت مين؟

مش مهم انت مين المهم انك بتحب

انت معاه مجرد شعور جوا قلب

هو لوحده القريب والباقي كلهم غرب

قلتلك النهارده حوريكي انك غاليه

وعشان كده سهرت اكتبلك يمكن تفرحك حتي لو مش شيفاك عنيا

اكيد ححسك فرحتك وفرحتك ححسها ليا

ماهو انت انا انا عاشئك بكل مافيا

بحبك

18 نوفمبر

مأقدرش انساك

برغم كل السلبيات!!!!!!؟

هو انا اللي قلته دا كان سلبيات؟

لا يا حبيبه

لا يا اقرب قريبه

اللي قلته تقدري تعتبريه امنيات

او حتي قلب اتعشم فيكي واترجاكي رجاوات

عز عليه يعاتبك قام حكالك شوية حاجات

بس منساش يقولك اد ايه انتي خليتي حياته ايجابيات

دا كفايه ان السعاده مبحسهاش الا لما تجمعنا الاوقات

هو لو كله سلبيات كنت نسيت علي عتبتك اللي فات ؟

مش حتي كانت فضل جوايا حنين للذكريات

يا حبيبه الحب مشاعر والمشاعر راحه والراحه مش بايد البشر

الراحه ممكن تحسيها لحبيب حتي ولو قضيتي عمرك عشانه سهر

دانتي من كتر حبك حتحبي للياليه السهر

مانا اهو...من كتر حبك صاحبت في لياليك النجوم والقمر

وف عز سكوتي صوت حبك جوا ملامحي ظهر

تعرفي الحب اللي يأسر حبيب ميقدرش عالهجر حتي لو حبيبه قدر

يمكن اخترت احبك بس لما عشئتك دا مكنش بأيديا

مش انا اللي قررت تهواكي عنيا

مش بايدي من دون كل الدنيا محسش غير منك بلحنيا

معرفش ازاي مع الوقت بئيت انتي كل الدنيا

بئيتي كل امانيا

وازاي برغم بعاد الاجساد مطمنش الا لو مسكت ايديكي ايديا

اازي مانمش الا وانتي في حضني وانفاسك حواليا

عرفتي ليه قلت لك انتي بمشاعري بتاعتي ..انتي ليا

حقولك حاجه يا حبيبتي واكيد مبئتش سر

لو بعد سنين او سنه او حتي شهر

مهما يطول او يقصر ولاخر يوم ف العمر

حتفضل انت حبيبي حب العمر

حتقضل صوابعي كل ليله تخصل شعرك

حيفضل مافيش جوايا غير اللي بيفرح قلبك

حفضل احبك

صاين عاهدك

حتفضل عنيا حافظه ملامح وشك

لو بتزعلي معنتش تاني حعاتبك

يكفيني ضحكة شفايفك

يكفيني افضل جنبك

يكفيني في مشواري تفضل ايديا حاضنه صوابعك

حفضل عايش في الدنيا بس عشان اهواك

حتهون الدنيا عليا لو زعلتني ولا تهون دنياك

حيحلي طريقي اليك ولو حتي ملان اشواك

حيفضل قلبي يندهك وتفضل عنيا وعيزاك

حتفضل مشاعري محتاجاك

حتفضل احاسيسي حضناك

حتفضل حمياك

حتفضل الروح مفارئه جسمها وسكناك

حتفضل نبضة القلب تخرج من جواك

مش قلتلك لما فكرت مره انسي ذكراك

افتكرت طيبتك لكن نسيت انساك

بس الحقيقه..انا مش نسيت..انا مقدرش انساك

16 نوفمبر ....1.30 صباحا

قلبي حيفضل الك وحدك

بعادك جرح والجرح وجع ...... والنفس خارج م الصدر من غيرك واجع

القلب نداكي ولنداكي سمع..............ولامتي حيفضل قلبك لنداه مش سامع

سامحي قلبي لو ف قربك طمع....   والله غير قربك وفرحك مالوا مطامع

ضي العين من حبك لمع............ماهو حبك دهب والدهب من منشأه لامع

البال من كل ورده لعبيرك جمع ...... والحضن اتفتحلك ضامم حبك وجامع

كل اللي سافر من تاني رجع ..... وانا قلبي سكنك وطن وحلف لا ف يوم يفارئك ولا راجع

ادي الحكايه في غيابك يا اميرة الحكايه

اشتائك واحنك واحتاجلك رغم انك ويايا

لامس ايديكي ..حاضنك وضامك جوايا

ورغم قربك ليا القلب مش معايا

اوعي تفتكري اني بتكلم عن بعاد

انا بيني وبينك يوماتي الف ميعاد وميعاد

دانا لو سكنت جنبك كان حنيني بردو زاد

انا واجعني كتر الاشتياء مش بعاد مدن وبلاد

جوايا حالة شجن وخداني ديما معاكي

مع كل اغنيه اسمعها الائيني وياكي

وكأن كلماتها وداني بصوتك انتي سمعاكي

لو فيها كلمه بحبك تنطئها شفايفي لهواكي

مش بس شفايفي حتي القلب يقولهاكي

تزعل شفايفي اكمن القلب سبئها وهداهاكي

اوعي تفتكري ان بعاد الجسم هو سبب حالتي

دايمكن لو كنتي ادام عيني كانت زادت حيرتي

مكنتيش حتفارئي عيني رفضتي او وافئتي

مكنتش عدت ثانيه افارئ ضلك يا اميرتي

مكنتش حرضي ولا يوم بغيبتك

ولا كنت حرضي حتي ولو كنتي جوا اوضتك

مكنش ميعاد يفوتنا ولو مجتيش انا كنت جيتلك

كنتي فين ماتروحي قابلتك

كان مايطلع الصبح الا لو شوفتك

كان ماينام الجفن الا بعد نومتك

داحتي يمكن كان الجفن بعد نومتك يتهني بشوفتك

بعاد الجسم سكنني دنيا من مشاعر

خلاني بكل الاماني الحلوه وياكي شاعر

بس يفضل جوا القلب حنين لميعادك

علي اد ما اليوم بطئ تمر بسرعه لحظاتك

تمر ومن تاني استني اوقاتك

استناها والقلب من انينه يترجاكي متنسهوش

مش كفايه عليه كان معاكي مريحتهوش

كام سؤال سأله مردتهوش

دا حتي كلمه واحشني استخسرتيها ماقولتهالوش

بس مش بارادتي انا علي حبي بائي

لا بأرادتي مانا فضلت  طول عمري بجمع فيكي والائي

لو ربي زاد العمر عمرك ما حتحسي فرائي

يرجع كلامي لاحلي الكلام......واحلي الكلام انا بحبك

يا حضن الحنان مش عتاب ولا ملام.....انا بس لما اشتائلك بكتبلك

عتابي محبه وزعلي سلام.....بكتب لاني عارف ان خواطري بتوصلك

اكمنها من قلبي قصدي ...قلبك

ماهو مش عندي دا جوا منك

مش بنسي لما بزعلك ويخاصمني زيك

لا واكتر منك

حتي لو بئيتي بترفضي تسمعي منه اسمك

حيفضل عاشئك حيفضل الك وحدك

قلبي يا حبة القلب حيفضل يحبك

14 نوفمبر

انتي ناسيه؟

هو انتي ناسيه ولا فاكره ولا الذكري حتفضل محفوره بس جوا قلبي

عارفك لو ناسيه حتقولي ناسيه  و لو فاكره حتخبي

لو ناسيه انا عمري مانسي ان زي الليله دي اتولدلك حبي

15 شهر وفي كل ليله تتحسب بس لو اتهنت الروح وياك بقربي

وحتي البعد انا روحي اقوي تحضنك وتقربك جنبي

يدوبك اخطف دقايق م الزمن يمكن يوصلك اللي في بعدك حاصل بي

يمكن تشعري من لهفه صوت او رعشه حرف ع الشفايف غلبني

يمكن وانتي عندك توصلك حراره كفوف تترجاكي تشابكي

الغياب حاجه توجع بس وصالك بيمسح كل الوجع

منكرش اني محتاجك كل ثانيه بس بردو حبيبك جدع

بتحمل واصبر واحبك وافرح انشاله اوشوش في غيابك الودع

قبلك مكنتش بحسب ايام وشهور والعمر كان هاين راح او رجع

حبك حلي ايامي ورجع لي لهفة العين لشوفتك واحتياج الودن للسمع

يتهجي قلبي معاني حبك

ااااااااه بحبك

اه بموت من شوئي ليك

عارفه ازاي تفرحي وانتي بتقولي بحبك

عارفه ان الكلمه متخرجش ع لسان لا تقف ع الشفايف لجل ماينطقها قلبك

اصلها لما خرجت خرجت لحد واحد هو وبس الاقربلك

هو الاقربلك

هو الاقربلك

حتي لو كان بعيد هو عمره ما بيفارئ حضنك

اصل اللقا مواعيد والفرائ مواعيد بس انت حبيبي حاضنك حتي لو مش شايفك

انا عايش بيك

جواك

بهواك

عايشك وكاني مخبي عنيا جوا صدرك

لما بحس بحضنك عنيا مغمضه بس ببئي حاسك

ببئي مليان بعبيرك وحاسس وساند براسي جسمك

انا ببئي لامسك

ببئي مشبك صوابعي مابين صوابعك

عرفت ليه قلت لك اي وقت اعرف اني في الوقت ده بحبك؟

اصل انا مش بفارئ سكنك

انا عايش ..لك

وحتي عايش بك

الدنيا ملهاش عوزه لو بعيد عنك

بس ازاي ابعد عنك

وانا من صبحي بستني صوت قلبك

بستني يطمني اني لسه جوا وقتك

انك حاسس اد ايه محتاجلك

اني عاشئك

ولا اقولك

مش عيز انسي انا بكتبلك دلوقتي ليه

انا بكتب اقولك علي اجمل يوم فرحت بيه

14 من كل شهر اتلائينا فيه

تعيشي حبيبتي و تنوريه

كل شهر وانتي ياعمري احلي العمر ولياليه