8 نوفمبر
لو قدرتي
تحبيني
الحبيب
مستني من حبيبه ايه؟
وايه اللي
منه وحده وبس بيدور عليه؟
ايه اللي
مستني معاه يلايئيه؟
ايه....وايه......وايه؟
مستني
منه حضن حنين يحضنه
او ايد
في عز التوهه تلمسه وتطمنه
محتاج
وجوده ..او محتاجه لو محتار يفهمه
محتاجه
يضمه لصدره وفي عز الصعب يسكنه
محتاجه
لو طالت الوحده ليله وحده وبس يونسه
اذا اردت
ان اكون لك وحدك
فلا تجعلني
احتاج لغيرك
وان جينا
حبيبتي للحق؟
انتي عندك
في كلامك الحق
بس اوعي
تفهمي يا حبة الجلب ان بقول كده استسلام
متفكريش
انه يأس او اني اخير رجعت في وعد او كلام
متصدئيش
انك حلم او خيال او عشئتك في منام
انا بس
حبيت اقولك اني فاهمك او زي ما بتردي عليا ...تمام
طب تعالي
نعيد الحكايه من اولها وانتي كمان افهميني
زي ما
وافئتك فكري ولو سألتك جاوبيني
من امتي كتب الحب حجزت صفحه لحب مفهوش معاناه
من امتي
حب حكوا عنه اكمن الحبيب اتلئي حبيبه وبسهوله عاش معاه
ولا ايه
الحب اللي ميتنسيش اكمن الحبيب اختار حبيب وعاش وياه
الحب
يعني الصعب
يعني اتحدي
الدنيا علشان القرب
ازاي الحب
يكبر لو خطوط الفرائ مرسمتش ع الوش ملامح
ايه حلاوه
حب من غير بعاد وزعل وتصالحيني واصالح
ويفرئ
ايه الحبيب عن البائي لو مرضاش بظروفه واحبها واسامح
حبيبي
بيفضل معايا مش عشان قريب لا..دا عشان في قلبي جاي ورايح
حبيب اللي
عطره بيملي نفسي وفي عز غيابه بميزه من بين الروايح
حبيبي
اللي بكلمه في وجوده وفي غيابه انا فيه سارح
عارف انك
ممكن تكوني محتاجه لاكتر من كده
عارف انك
حابه حبيبك ادامك شيفاه ومتأكده
متفضليش
تفكري معايا ولا مش معايا متكونيش متردده
ليه شايفك
اميره حكايه وانتي راضيه تكوني بهيه
ليه كاتب
لك شعر وانتي حابه تسمعي الحب في اغنيه
ليه مستني
يوم اجيلك علي حصاني وتستنيني انتي اجي بعربيه
ليسه مش
عارفه انك عندي حب يستاهل التعب والتضحيه
طب حقولك
عشان بس
تعرفي اني فاهمك
وعد عليا
لحبي يزيد لحد ما يتجسد ادامك وتشوفيه
لمشاعر
قربي ولهفتي تشوفيهم حضن تسندي راسك عليه
وعد لشوئي
ليكي تحسيه دراع في مشاويرك تتعلقي فيه
مش بس
مشاعر انا كمان ليكي ححاول من تاني اقرب
حدور واتعب
والائي مكان يكون لك اقرب
حمشي وانتي
الوصول وعمري ما حرجع او حتي اتعب
لو انتي
اخر الطريق انا حمشيه ولو مع كل خطوه طريقي يصعب
اديني
بس فرصه وانا قادر ع الظروف اعديها واكسب
انا بس
بترجاكي متبكيش احلامنا
خلي لحظاتنا
سوا تحلي مر ايامنا
سيب الفكر..اسكني
المشاعر اوقاتنا مش ورانا ..دي ادامنا
خلي اللحظه
الحلوه وطن نسكنه وبيوتنا حتبنيها اشوائنا
لسه معجزناش
يعني نقدر مع بعض
وانتي
عارفه اني دايما معاكي اد الوعد
بس انا
حعترفلك
مانا مليش
غيرك افضفضلك
محتاجك
تكوني معايا ...قويني
لو برد
الليل زاد من حنانك دفيني
ساعديني
محتاجك
تكوني لو عميت نور عيني
محتاجك
لو وقعت قوميني واسنديني
حاضنك
من كل الدنيا بس من جفاكي احميني
لو تاه
الطريئ مني لنفسي رديني
حقدر وحتقدري
لو بس قدرتي تحبيني
ليست هناك تعليقات:
إرسال تعليق