14ابريل

عيد حبي

الساعه 00.00

كل شهر وانت طيبه بعتلك رساله بس موصلتش حرن عليكي
كنت عيز اقولك حاحه لان اكيد حتخش تشوفي هديتي بتاعه كل شهر
لو شهر دخلتي ملقتيش مني رساله اوعي تفتكري اني نسيتك
لا بس اتاكدي اني حبيتك اوووي يا بيري
يمكن لما تقري تفهمي
كل شهر وانتي طيبه

توأم روح

اول مره يجي ميعادنا والاقي نفسي عيز اقولك وحشاني

كنت بستني اليوم ده لجل ما اقولك بحبك

او اوصفلك سعادتي بقربك

او حتي من قلبي اعاتبك

لكن اقول وحشاني!!!!!!!!!!!!

وابقي خايف لتكوني نسياني!!!!!

لاول مره كلمه وحشتيني حتخرج وهي و جعاني

اصلها يا حبة الجلب مبئتش كلمه توصف حال..دي بئت عنواني

عنواني انك وحشاني

رغم اني مش قادر ابعدك عن قلبي

ولا قادر اشوف غيرك جنبي

اصل الموضوع طلع اكبر بكتير من حكاية حبك وحبي

اصل مكنتيش يعني اللي مغرقاني من حبك

انتي عارفه ان اقصي امالي ان احس اني غالي عندك

او اني احس اني غالي اوي عندك

وياسلام لو حسيت اني اغلي ماعندك

يعني مكنتش بتكلم ومستني كلمه منك

كلمه وحشتني لوحدها لما كنتي بتقوليها كانت بتتكلم عنك

واهم ما فيها انها كانت بتقول اني سبب سعادتك

او ان معايا بتضحك شفايفك

بس مخبيش عليكي واحشني احساسك بيا

احساسك بكلامي وبشوء عنيا

احساسي لما بكلمك وبحس وكأن ايديكي لامسه ايديا

متقوليش كذب!! مش انا اللي مره حسيت ان قلبي زعلان

لا دانتي قلتي حضنك بردان

دانتي حتي وقتها رفضتيه كمان

بيري ..انتي عارفه اني مش كذاب ولا خوان

ولا حكذب يبئي مش عليكي انتي يا احب انسان

يا دوا السنين من اسوة الزمان

نرجع تاني للسبب الاساسي في توهتي

السبب اني اكتشفت انك مش بس حبيبتي

دي توأم الروح اللي بيحكوا عنها طلعت برضو انتي

اللي بستني حضنها تردني من غيبتي

فاكره يا بيري...مرايتي

عارفه ان في حاجات كتير لازم احكيهالك في يومي وليلتي

عشان كده تلائيني لسه لحد دلوقتي بتصل

حتي لما بلهي نفسك عنك واشتغل

يخلص الشغل والاقي شوئي ليكي هو اللي فضل

مشتائ اكلمك واحكيلك

مشتائ حتي اشكيلك

وانتي عارفه اني حتي منك ليكي انتي كنت بشكيلك

مشتائ نسمع اغانينا سوا وكأني بغنيلك

مانتي حاسه انتي عندي ايه

مش حقول ده شئ لوحدك تحسيه

عمرك ماتقدري تتجاهليه او تنسيه

 كنت لما بقولك انتي عارفه انتي عندي ايه تقولي عارفه

انتي كنتي حاسه

ولساكي حاسه

حاسه ان القلب من غيرك في غربه

حاسه ان الدنيا بدونك صعبه

حتي ان العين مابتفارئها الدمعه

مش كذاب صدئيني انا اقصد الكلمه ..الدمعه

وربنا يكفيكي حبيبتي وجع الدمعه المكتومه

او الصرخه المكلومه

لما كنت بكلمك وعيني تدمع كنت بقولك كده برتاح

اصلك الوحيده اللي كنت ادامها ممكن ارتاح

متعودتش ابكي ادام حد غيرك

طب اديكي بعدتي ودمعتي كتمتها

كده ارتحتي؟

ياحبيبتي

يا ح ب ي ب ت ي

 يا حبة الجلب

الجلب اللي حب

اعذريني لو كنت بكرر كلامي

اصل كل كلمه معاكي وحشاني

كل حركه منك او وياكي وحشاني

كل همسه منك وحشاني

اصل ماصدئت من تاني كتبت

صدقيني ماصدئت

تصدقي اني كنت صدقت

صدقت كلامك وسمعت

ال ايه حتنسي مع الوقت

طب اتصرفي اهو عدي الوقت

ولا نسيت ولا اتنيلت

والله انا ليكي اكتر من الاول اشتئت

حقولك سرين

السر الاول اني لو شوفتك دلوقتي مش حسالك

ولا اندهك

ولا اسلم عليكي ولا المسك

انا ححضنك

صدقيني ولو وسط الدنيا حشدك ليا واحضنك

حضمك لقلبي يمكن يفكرك

يمكن يسمعك اسمك ماهو لسه بيندهك

لسه بيقول بيري.....بحبك

بيري.......بحبك

بيري........بحبك

لسه جواه الف سؤال بيسالك

ليه خونتي العشره اللي بنا

لو الحب ملمس قلبك بس بنا وقت حلي ايامنا

بنا احلي ايامنا

بنا اللليالي اللي كانت بتنور بقمر بتاعنا

فاكره نجمتنا؟

اها فاكرتيني بنجمتنا هو كمان كان كذب لما انا وانتي عرفناها

كل واحد في مكانه واتفقنا عليها

انا وانتي حبناها وسهرنا نتكلم عنيها

يبقي السر الاول اني ححضنك

لو وسط الدنيا ..لو شوفتك ححضنك

السر التاني انا متاكد اني في يوم

واعتقد انه مش بعيد

انا بدات احس انه مش بعيد

حيجي يوم مش حكون معاكي

حكون لوحدي

في مكان محدش فيه غيري

في مكان مينفعش يكون فيه غيري

لما حفارق كل الدنيا بيري

حتكتشفي اليوم ده اني كنت استحق منك افضل من كده

او ع الاقل ان الحب اللي جوايا ليكي كان يستاهل منك اكون معاكي

لاخر يوم في عمري

عشان عمري ماحلوش غير بيكي

كل يوم 14 وانتي طيبه