12 اكتوبر
ع فكره
لسه عندي خواطر كتير كتبتهالك هنا في اسماعيليه
ومكنتش
مكتوبه ع اللاب
انا عارف
انك بتحبي تحتفظي بيهم كلهم
عشان كده
حكتبلك منهم عشان يكونوا عندك لما بقراهم
بفتكر
اوقات جميله زي كل اوقاتي معاكي
دي مثلا
خواطر كتبتها مره لما كنت رايح الشغل ووقفونا وقالوا
في اتوبيس
في قنبله وكنت قريب منها
ومكنش
ينفع نرجع او نكمل جمعونا كلنا في مكان وقالوا استنوا هنا
الناس
كلها كانت متجمعه انا لئيت نفسي رايح اقعد لوحدي اكتبلك
تصدقي
ان في وقت زي ده كلمت بنتي
وكلمتك
ولما مردتيش كتيتلك وقولتلك
النهارده
مش عادي
حاجات
غريبه بتحصل قصادي
بكتب ومش
عارف حقدر اكمل ولا لأ
بكتب في
وقت مينفعش اقول فيه غير الحئ
بس الاول
لازم اقولك ...انا بحبك
مبسوط
اني قلتلك بحبك..مش يمكن يحسها قلبك؟
كلمتك
مردتيش بس انا بصيت علي نجمك
وبلغته
رسالتك
عرفته
يوصلك ويفهمك ويشرحلك
ان في
عز خوف الناس انا اتحميت بحضنك
وبعد ما
سمعت صوت بنتي قعدت اكتبلك
قلت
لو حصلي حاجه احبها تحصل وانا ماسك قلمك وورقتك
اديني
ماسكهم وكأني مصمم انفذ كل وعد بيه وعدتك
انا قاعد
وسط ميدان وبلي حواليا مش مهتم
كل اللي
كانوا حواليا قاموا اصل البرد شديد وكأنه بيزود علي همهم هم
اتلموا
يتحاموا ببعض وهما ميعرفوش عن بعض حتي الاسم
اما انا
جريت عليكي واتحميت بيكي وكأنك حضن ام
ليست هناك تعليقات:
إرسال تعليق