13 اكتوبر
ممكن تنسي قلب حبك
ولو حبك مش ممكن تنسيه هواك
ممكن تأسي وتبعده من قلبك
او تبعده
عن ارضك بس حتفضل روحه حساك
هو انت فاكرني محاولتش اوافئك؟
حاولت
وحاولت افتكر اي حزن عشته وياك
لئيت نفسي وكنت فاكر روحي
بفارئك
نسيت
الاسوه وافتكرت منك بس كلمة بهواك
ياحبيبي مش بضايئك ولا بعاندك
مش عارف
انسي ولو نسيت انا نسيت انساك
مفتكرتش
منك كلمه تضايئني
او افتكرت
كلمه واحده هي كلمة فارئني
ليه شاركتك
حياتي وانتي مش مشاركني؟
مش لما تبعد عنك حد يبئي انا اللي تختاره و تبعدني
لو كنت انت اسيت واد البعد استني عشان بعادك حيجرحني
وعدتيني اننا ما حنسيب بعض واديك بسكينة الفراق بتدبحني
لو قادر حبيبي تنسي الوعد انا وعدي لاخر
نفس ملازمني
نسيت انساك
ونسيت انسي اني وعدتك ماعيش غير ليك
نسيت انساك
ونسيت انسي وانت بتسمع صوت ثومه وتغميضة عنيكي
نسيت انسي
لما قلت لي يلي مليت بلحب حياتي اهدي حياتي اليك
نسيت انسي
رغم البعاد الدفا لما بحس تشبيكه صوابع ايديك
لما تهدي
حياتك لحد يبئي مكنش وهم
مانا دايما
بقولك حبك في قلبي دم
الدم لو
اتعكر يا حبيبي يموت وياه الجسم
في بعادك
الجسم حيموت وحيفضل القلب يدق بنفس الاسم
ليست هناك تعليقات:
إرسال تعليق