7 اكتوبر

     عارفه ....النهارده انا مش عيز اكتب خواطر يمكن عشان الخواطر دايما بتخرج من حته في القلب انا مش عارفها بس بحسها ..الحته اللي بنحس بيها بالفرح او الحزن.

لما بفرح بكتب ولما بحزن بكتب بس زي ما قلت لك قبل كده لما بحتار مش بعرف اكتب

والكلمه ليكي انتي لو مخرجتش م القلب مش حقولها لانك حبة القلب يعني حتكشفيها.

اول ماعرفتك اتمنيت اكون حبيبك

ولما حسيت ان مشاعرك مش بتخرج عرفت ان اللي حقدر عليه انك انتي اللي تكوني حبيبتي

وحبيتك

بس اوووووي اكتر من قدرتك علي التخيل او التصور

حبيتك للدرجه اللي بتخليني استغرب من نفسي ازاي كان جوايا كل الحب ده ومكنتش حاسس بيه

بس بعد كده حسيت ان ممكن الائي وجودي معاكي لو حسيت بقوة العلاقه بنا وسميها زي ما تسميها لسببين

السبب الاول اني افضل جنبك وتكون عندي الفرصه اني احبك كل يوم زياده عن الاول

السبب التاني اني الائيني جواكي بشكل مهم يعوضني عن حلمي اني اكون حبيبك

بس حبيبتي انا كان نفسي اكون بجد جواكي

حتي انك تشتائي لحديثنا او انك تكوني مستنياه حتي لو مقولتيش بس انا ححس

حتي ان يكون احمد حد غير الناس عندك تتكلمي معاه وتفضفضي معاه يحس انه فعلا الاقرب لك زي ما في يوم قلتي له انت الاغلي

معرفش ليه قلت لك كده النهارده بس يمكن عشان غيابك طول هما فعلا يومين بس انتي

نسيتي اني لما حسبت حبي ليكي حسبته بلدقايق والثواني عشان تقدري تعرفي اد ايه حبيتك

مش حكتب تاني النهارده مش بحب اقول كلام ميفرحكيش بس غصب عني مليش غيرك 

بس حطلب منك تسمعي الاغنيه دي يمكن تفكرك بحاجات عمري مابنساها