29 اغسطس

رايح اسماعيليه

بعد يوم طويل ولسه ساعات طويله  انا راكب القطر ورايح اسماعيليه

بس الغريب ان الاماكن اتغيرت وفضل طيفك انتي حواليا

السفر يتوه الطريق ادامي وتفضل صورتك يا حبة القلب ما تفارق عينيا

وكأن القلب ساب الدنيا للناس كلهم وانتي وحدك اتمناكي تكوني ليا

ديما بتوحش عيني بس النهارده واحشني اكتبلك

جاي علي مكان شغلي جوايا لهفه ان النهارده كله اسهرلك

جوايا حنين لنجمتنا لمحتها بتلومني اكمني كنت بكلمك ومن كام يوم مكلمتهاش عنك

باينها هي كمان بتهواكي بس يا نجمتي مش اد مانا بحبك

جيت بسرعه نضفت مكاني عشان اقعد براحتي اكتب ليكي

واحشني احب فيكي ووحشني افتح صورك واحب ف عنيكي

واحشني يخرج كلام القلب خواطر واحشني اغني غناويكي

واحشني ينور ليلي موال كلماته كلها يا جمره بتناديكي

غريبة حكاية حبك لما اكلمك الكتابه ليكي توحشني

ولما اشوفك صوتك يناديني ويقولي ايه؟ بطلت تسمعني؟

وتغير صوابع ايدي لما تبطل تكتبلك وكانها بتلومني

وتعاتب شفايفي وتقولها مانا كمان حروفي بتوصلها بتحسها وتفهمني

وترد العيون وتقولهم مين فيكوا محظوظ زيي اكمني

انا اللي ملامح وشها جوايا حافظاها وكانه نيني

وادي حكايه كل حته فيا بتعشئك وتستناكي وكانك يا عشئ الروح حته مني

حكاية حبك بتقول انك باختصار بئيتي كل الاماني

ان القلب في هواكي اترمي في بحر شوء ومسألش كرهاني او حباني

ان العمر لو كان بايدي لكنت اعيده واحبك كل دقايقي وثواني

اني عايشلك طول يومي حتي لو انتي حبيبتي كنتي نسياني

اني مش بطلب حاجه ولو طلبت انك جوا عنيكي تفضلي وخداني

اني اصحي علي حبك وانام علي صوتك واكتب حضنك عنواني

اني احسك انا

يعني انتي انا

حتي في زعلنا لو اتخاصمنا عارفين اننا راجعين لبعض من تاني

هو مش الاحساس بيئابله احساس طب ماهو انا حاسك كل كياني

كل بسمه وفرحه وامل انتي ببساطه لحظة راحه بحنان مفرحاني

انتي خفة دم وشقاوه ودلع انتي ليالي حب في سحرها مسهراني

بحبك يا موجة البحر يا احلي حبيب حتي لو مغرقاني

بحب احبك واحب اودك واعشق وصالك ف عز ماتكوني هجراني

عارفه اني بحبك وانتيب تعاندي حتي وانتي بعنادك مألماني

والله حتي لو وجعاني

بفضل احبك واداري عن نفسي المي بغنوة حب تنسيني احزاني

تفكرني انك انت الحبيب وانك الورده الوحيده ف بستاني

ما هو الحبيب يعني الوحيد

يعني اشوفك وانت بعيد

يعني من غير مالمسك الايد بتحضن ايد

يعني ساعات البعاد قرب واوقات الهجر مواعيد

نفسي اكون لك حد غير كل الحدود نفسي اكون نفسك

نفسي اكون جواك ماتخبي عني نفسي ما توجعني منك

خاف عليا نص ما بخاف عليك او حكم مابنا قلبك

اسأله ازاي بيحسني يا نبض القلب بحبك

اساله كام مره نام وهو سامع قلبي بينده حبيبي باسمك

اسأله ...في عز بعادك كام مره استغنيت عنك

كام مره بعدتني وهجرتني وفي وجعك بترمي في صدرك

كام مره قلتلي وهم وحلفت لك حتي لو وهم بردو حعيشلك

وحتي لو حلم اهون عليا انام عمري افضل من يوم اتحرم قربك

خليني خيال جنبك او حتي خليني في قربك ضلك

تصدقي كنت حفرح لو كنت ضلك

علي الاقل كنت حفضل طول وقتي ملازمك

مكنتش العين مش شوئها تحتاجلك

مش قلت لك ان حبي ليكي احتياج؟...والله بحتاجلك

بحتاج اطمنك وكمان قلبي يطمن منك

محتاج احس ان لوحدي في مكان حلو عندك

او حتي ان طيفي ساعات او حتي دقايق بيشاغلك

انك بتسمعي صوتي في البعد وحشاه وبيندهلك

انك تشوفي ملامحي وكل ما فيها مشتائلك

وحياة عنيكي انا بشتائلك