حبك صبي

حبك من يوم ولادته صبي معودتهوش علي الدلع

قادر يحمي نفسه ويضمك لحضنه اصله م الاصل جدع

حبك محدش يكسره ولا حتي كلمه تهبطه مهمن سمع

حبك لجل يفضل يحبك يا حبيبتي ممكن يوريكي البدع

حتي لو جفيتي وأسوه ظروفنا مخلتوش في عن حبك رجع

 مش عناد ولا مكابره وازاي اعاند اللي ليها القلب خضع

ازاي حعاند اللي القلب ساب الدنيا وفي وسط ارضها انزرع

حبك نار آيده ..عمرك سمعتي عن نار حست بالشبع؟

حبك اتولد بنيانه اوي اكمن الصبي من صدرك رضع

مانا قلتلك حبك صبي..فتي ..حبك جدع

بس الغريب ان حبك علي اد صلابته بيفيض علي عتيتك حنيه

ضامك ولو شوكك جرح الصدر ..نامي انتي وسيبي الوجع فيا

حاضن الوجع وصابب بداله في شراينك حب وكافيني تلمسي ايديا

انا اد الوجع طالما منك ولو وجعك منيمنيش مانا ياما فرحك نور لياليا

حبك لحن حلو اتغني ليكي واتسمع ليكي حتي صمتك بسمعه اغنيه

الصلب الاوي علي حجرك يصبح وليد ف عنيه آيات الحب لوحدك يا وحدك هديه

الحب الجرئ تصدقي اتكسف لما قلت بحبك في مره ليا

احمر خد الصبي من كسوفه حمرة خد الصبيه

لما طلب يشوفك خاف تضايئي وقالك خلاص وانتي متعرفيش اد ايه مشتائلك عنيا

اد ايه كانت العين مالها امنيه غير انها تتهنا بشوفتك يا احلي امانيا

حبك اللي فضلك علي كل الناس ده حتي خلاكي قبليا

بس برضه تفضل جوا حبك شوية حيره

هو قادر يستحمل بس انتي ازاي تستحملي عليه زعل او غيره

مش هو ده الحب اللي عاشك جكايه وخلاكي للحكايه الاميره

ربط حياته بيكي وشاركك كل اوقاته صغيره او كبيره

ازاي تقدري تأسي عليه في عز حاسك بنته وبيجدلك الضفيره

مش عشان صغيره لا..ده عشان خوفه عليكي ماله فيه حيله

ماهو اللي يحب بيخاف وانتي مش حب ..انتي عشئ في سنين طويله

عشتهالك قبل ماقابلك واقبل ماحب عنيكي الجميله

تبقي الاسئله هي هي وكلها تبدا بأمتي وليه

ليه لو غاب الحب ده عنك عمرك ما بتدوري عليه؟

حتقولي لو غاب يبئي مكنش حب. طب حسألك لامتي حتفضلي تمتحنيه

من اول ماحبك بيمتحن هو انتي مش حتنجحيه؟

امتي القلب اللي عايشلك حيستاهل تطمنيه

هو لما يكون مشتائلك وعشان اصحابك مثلا مترديش عليه

ويفضل مستنيكي رغم كان سايب الدنيا لجل يكتبلك مش دي تكفيه؟

مش حقولك تحبيه بس ياحبيبتي تقربيه

ولا الحب ان حد يحب والتاني بس يمتحن فيه

ولا تكوني لسه لحد دلوقتي عمرك ما حستيه؟

ماهو لو حستيه كنتي حبتيه..لا كنتي عشئتيه

بس ازاي ماحستيه ماهو ده الحب اللي غمضت عيونك عليه

ماهو ده اللي خواطره لسه بتلمسك وكلامه اكتر من مره بتقريه

لما حبيتك استنيت يوم يوحشك حبي وتستنيه

لا مش تستنيه انا كنت مستني تجري عليه

لو حسيتيه واحشك قبل ما تفكري تحضنيه

علي فكره انا عارف انتي ايه

وعارف ان مش ده اللي متعوده عليه

بس هو انا يعني حبي ده كان كده زي ماشوفتيه؟

انا كنت اول ماالمح اهمال ابيع اللي كنت مشتريه

ابيعه بلرخيص ولا اندم يوم عليه

بس حبك غيرني خلاني اتمسكك بحب لو ضاع مش حلاقيه

معدش في القلب صبر ولا مكان ادور علي حب زييه

بس انا امنت ان حبي ليكي انتي اللي حتغليه

صدقت انك لو صدقتيه ويايا طوبه طوبه حتبنيه

وعشان عارف انك اويه استنيتك تقويه

كنت ولساني مستني اليوم اللي حتسألي عليه

هو انتي مش حيجيلك يوم تحبيه؟

بس وحياة كل دئه قلب باسمك لو ماسالتي حتفضلي توحشيه

فاهمه لما بقولك حبي ليكي انتي بتوحشيه

ولا انتي فاكره بعمايلك ممكن تاسيه

يبئي انتي عمرك مافهمتيه

يبئي انتي لازم تفتحي قلبي بايدك ومن جوا تشوفيه

تسمعي اسمك وتشوفي صورتك يمكن ساعتها ليكي تضميه

انا مش بعاتبك

انا مش حخاصمك

انا بس عشان مليش غير قلبك

حبيت يا حبيبتي افضفض لك