الفراق نوعين

         الفراء يا حبيبتي نوعين

                                    رغم ان النوعين اسمهم ف الاخر فراء

       كلمه بنسمي بيها بعاد جسمين

                       نوع يندمك انك حبيت والتاني يملاك رغم الفراء اشتياء

       نوع تكره تشوف اللي كنت فاكره حبيبك لو حتي فين

                          ونوع من قبل الوداع يتمني قلبك من تانيا اللقاء

      وكأن الوداع كابوس مستني تصحي تحس بدفا الحضنين

                     اما الاول كأن المحب كان في وهم واخيرا من وهمه فاء

      التاني جرح يجري من اسوته دموع قلبين

                   التاني كأن المحب مجروح وبعد الفراء من جرحه راء

انتي يا حبيبتي حبك فرائه من النوع التاني

فراء من اول ماحاولت افكر فيه لئيت الضياع ملاني

فراء كرهت اوئاته من بعد ما افلت معاكي بثواني

بتفارئ قلب بيقولك عمري ما حنساكي اوعي حبيبي تنساني

والروح تقولك انا وياك فارء الجسم بس انا وياك عنواني

الروح والقلب هما الحب لو ضاعوا ضعت..ولا ف يوم حتلائاني

حعيش جسم بارد لو حتي قابلتني ف يوم مش حتكوني عرفاني

مش حتكوني حساني 

 مانا من غيرك مش انا.. انا حكون يا انا حد تاني

       انا حسيتك احساس وروح

                                        وانتي كان بدك تلمسيني كيان ووجود

      الروح  ياحبيبتي تلازم الروح فين ما تروح

                    واكمني رسمتيني وجود وازاي تلمس وجود مش موجود

     احساسك بيا زود الجروح

                              واحساسي بيكي انك ضل مهما بيفارء بيعود

لانك معايا بقدر بسهوله اعيش كل لحظه وياكي...ومن تاني احسها

بئدر اتدفي وروحي حضناكي ...منساش دفا حضنها

لو وحشتني عنيكي القلب جواه يلائاكي ... وبسرعه يملاني سحرها

مش بكذب لما بئولك سكنت عيناكي ....مانا يا حبيبه جوا منها

يمكن لو فكرتي تحبي حكون انا حبيبك

او حتي سيبيني اتوهم وائول ان انا حبيبك

 

خديني في حضنك وحبيني ويا كل اغنيه حب تحبيها

خلي دئه قلبي لحن رئيئ ويايا بس اسمعيها

حوشي كل كلمات الحب وفي وقت لقانا قوليها

خلي كل لحظه حب احساس وويا اللي عشئك عيشيها

ليه قفلتي بوابه جزيرتك يلا من تاني نشبك ايدينا وافتحيها

اخرجي مع اصحابك بس خروجتنا فوق السحاب نئضيها

اتكلمي معاهم وخلي بنا كلمة حب من غير صوت اقولها وترديها

سيبي شجرتي في ارضك من حنانك قبل الميه اسئيها

يا حبيبتي دان مهانش عليا احبك بغنوه قبلي عرفتيها

نسجت لك من عشئي خواطر لجل ما تتحبي وحدك بيها

يعني حكاية حبك ليكي وحدك مينفعش مع غيرك احكيها

ممكن تردي علي سؤالي...؟؟؟

سمعتيش عن قصه حب لمجرد ان اتنين حبوا بعض؟

متعرفيش ان القصه متغلاش الا لما نتحدي الظروف والبعد؟

البنت لازم تصدء حلمها والجدع لازم يكون اد الوعد

لازم يطيروا حاضنين بعض ويخطفوا لحظات السعد

حب يسمعوه سيمفونيه وف وش الظروف لازم يكون رعد

ليه يا حبة القلب عيزه حبك عادي لو انتهي منفتكروش

ليه رضيتي بحب هادي بين اتنين حبوا زي لو محبوش

دانا لما حسيتك مش عاديه حبيتك بالحب اللي غيرك ماستهلوش

ليه رضيتي ان الانصهار تسمعيه في غنوه متعيشهوش

هو قلبي وقلبك هانوا عليكي تاخديهم من قلب حبهم ميحسهوش

طب قلبي حبيبك يرضيكي لو مدئش اكمن اسمك ماحينطئهوش

يرضيكي العين تتوه في وحدتها تدور عليكي في كل الوشوش

لا....لا يا حبيبتي وحياة حبك ما حفرط فيكي

حتبئي الغاليه وحبك جوايا في كل يوم يغليكي

بحق مااتمنيتك لاحقق بحبي كل امانيكي

لاوهبلك عمري الجاي ولا يوم اعيشه غيرليكي

بحق كل دئه بيدئها القلب ليفضل قلبي يناديكي

لتنور من قلب الحزن ضحكتك وتنور نجمتك لياليكي

ماخلي حد ولا حتي انتي يطفي شمعه اتائدت ف يوم ليكي

وعد وانتي عارفه وعدي ماايدي في يوم تسيب ايديكي

حتي ولو غيبتي عني في عز التوهه راح الائيكي

اوعدك ما تفضل في عنيا غير صوره عنيكي

اوعدك كل لحظه حعيشها ..اعيشها لجل ما احب فيكي

بيري ..انا حاولت بس مقدرتش ابعد وكل مافيا بينادي عليكي