14مارس
14 مارس
اول شهر من 19 شهر افتح ورقتي
وامسك قلمي والائيني ساكت
جوايا مليون جمله بتنتهي نفس
النهايه .....ليه
وسؤال ليكي انتي ....هو انتي
عملتي ايه؟
ازاي قدرتي تيجي علي فرحي بيكي
وتقتليه
ازاي طفلنا بكل هدوء كاتمه نفسه
وبتخنئيه
خليني اسالك بطريقه تانيه
....اديكي بعيده اتبسطتي؟
بجد هو انتي كده ارتحتي؟
كنت بتقولي اشمعني ده اللي مش
يقدر ابعده
ايه...؟ خلاص قدرتي؟
جامده البت اوي ومحدش ادها
ولا حد بيهمها
اصل ياما الحب اترمي تحت رجلها
وداست ولا همها
بس المره دي الدور جه علي حد
حبها بجد
حد محدش اد ما حبها حد
حد خلاها هي الحب والحياه
والهزار والجد
مساواش معاها حد
اكمنها حسته خافت عليه ف الاول
..خافت لتوجعه
لما بحبه داب فيها وجواها خافت
و قالت لاااا اشمعني هو.... وربي لابعده
ولو حكمت حتلكك له ...عشان
ارتاح لازم ابعده
ولما الجدع مبعدش يبئي خلاص انا
اللي حبعد
يخربيتك انت حتستحمل لحد امتي
لا وايه ..كمان لساك بتوعد
بتوعد متبعدش
متخونش
بتوعد متزهئش
بتوعد متهجرش
بتوعد ان حتي ظروفك عن طريئي
مترجعكش
انت ايه مبتيأسش؟
ايه؟
بعدتي؟
اتبسطتي؟
نسيتي؟؟ رميتي ؟؟ ارتحتي؟؟
ولا اقولك مبروك يا بيري جود
جيم انتي كسبتي
بس كسبتي ازاي ومين اللي غلبتي
هو انتي يبئي اسمك كسبتي لما
تبئي كسرتي القلب
فاكراه ؟ القلب اللي حب
اه والله كل ذنبه انه حب
تصدقي انه بيدبح منك يلي صورتك
مافارئت جدرانه
وانتي بتدبحي بصي في عينيه
حتلائي بسمته ليكي واسمك علي لسانه
ماهو عاش لك ومن غيرك ضاع ماهو
انتي عنوانه
بس متنسيش تطبطبي عليه يمكن وهو
بيموت يلمس حنان استناه منك ليالي
اهو يبقي حاجه اتمناها معاكي
وطالها ماهو انتي برضو الغالي
عارفه...اوعي تنسي انك ظلمتيه
لو مره في حياتك اتظلمتي اديكي
خلصتي ظلم الدنيا كله فيه
اديكي كسبتيه
ريحتي الدنيا من حبه
اللي عاش يحلم به
برافو عليكي من حق...متنسيش
تدفنيه
وبلمره كام دمعه عشان تريحي
ضميرك وابئي اتصوري سيلفي
بس ابقي انسي صوت اسمك اللي كان
بيخرج مع صوت نفسي
ابئي اقنعي نفسك اني محبتكيش
كتير....حبه ما بيكفي
اصله مش حدي
مش ملكي
حيقولي البسي ومتلبسيش واعرفي ومتعرفيش لا....
مابدي
خليني لحالي مش عيزاك حدي
بس بالله عليكي انتي مصدئه؟
انا يا بيري نهايه حبي تكون
كده؟
حتباتي سعيده لما تعرفي اني
اتكسرت؟
اني لميت حبك جوايا وبيه انتحرت
اني بعدك سبت افراحي علي عتبة
مواعيدك وهاجرت
دانا كنت بقولك بحبك اوي او
زياده
كنت بخاف من ربنا لو قلت لك اني
عبدتك عباده
ع فكره انا مش حشحت بحبي ليكي
الخواطر دي مش حتقريها الا لو
دخلت لوحدك بيتك لو احساسيك حتناديكي
مش حقولك كتبتلك
مش حندهلك او اعرفك
اصل حبي ليكي عالي بغلاوتك
متستغربيش لو قلت غلاوتك
ماهو انا ماقدرتش انسي حبك
ومش بنسي حبك
ومش حنسي حبك
متنسيش اني بحب احبك
صدئيني اللي فات مكنش عتاب
كان سؤال نفسه في جواب
ايه الاسباب؟
طب بعد ما بعدتي كسبنا ايه؟
ايه اللي كنتي بتدوري عليه
طب لما عملتي كده لئتيه؟
مش فرحتنا كانت احلي ؟
مش حكايتنا كانت بتخلي العمر
احلي ؟
قلت لك لحد يوم عيد ميلادي فكري
ياريت من النهارده ترجعي وتقرري
ياريت تكوني جنبي الايام دي
صدقيني محتاجك
نفسي اترمي من تاني علي بابك
بحبك
كل 14 وانتي طيبه
كل 14 وانتي حبيبتي
ليست هناك تعليقات:
إرسال تعليق