14 مارس
9.25 مساءا
عارفه ليه بكتب اليوم والساعه
عشان لما ترجعي لحضني وحترجعي يا بيري في يوم تعرفي اد ايه مكنتش بنساكي
علي فكره ممكن تكوني بتخشي ومش حعرف بس انا بتكلم علي حبيبتي اللي الكلام ده اتكتب ليه
واللي بتحسه
لو مش بتحسيه معنتش تخشي هنا تاني اللي بتخش هنا واحده بس عارفه ان القصر ده اتبني هديه في عيد ميلادها ومفتاح ليها ومعاها هي وبس

اغنيه سمعتها,,,, قلبي اللي خدتيه رجعيه واللي تعبتيه ريحيه
قصر الكلام ..من غير كلام .. اللي انتي عيزاه اعمليه ....اعمليه
انا كانت خايف من زمان ع الحب والشوء والحنان...واهو دار علي قلبي الزمان وانتي اللي عيزه تدوريه
قصر الكلام
 من غير كلام
 اللي انتي عيزاه اعمليه..
.اعمليه

تصدئي اني مره كتبتلك بس عشان مكنتيش بتنامي كويس وكنت قلقان عليكي
بالله عليكي هي كده تبئي حوارات
بالله عليكي الانسان ده كان هو اللي يستحئ منك تبعديه عنك
ايه؟ حسالك كل مره
ارتحتي؟

سبايك دهب

ينور وشك زي قرص شمس عالي وتنزل شعورك وكانها شعاعـه

سبايك دهب تنور قلب الليل وتسعد قلبي ويطول بالفرحه لله دعائـه

حبيبي يزيدك ربي عمر من عمري حتي لو نقصت من سنيني وايامـه

طالما مبسوط اكيد حيحسك نبضي وحيدق ولوخلص من الزمان زمانه

مش حعيش غير ليك مليش غير حضنك كاتب في بطاقتي عنوانــــه

تبعد الائيك قريب والغريب ان في عز جفاك محسش من قلبك غير حنانه

وغريب اني احسد قط عشان بيشوفك واتمني لو كنت جنبك مكانه

وكأني مبعشش الا ف ضلك وكأن نهاري بنورك بس آن اخيرا اوانه

من غيرك دنيا ابيض واسود واستني صوتك يلون الدنيا في عنيا بالوانه

ويطير عصفوري يحوم حواليك يستناك حبيبي تشاركه عشه وطيرانه

يفرد جناحه يضمك بيه ولما يدفيك تطمن مشاعره وينسي كل احزانه

حبيبي بخاف عليك واخاف  تزعل مني لو متفهمنيش

مش عارف اكون قلقان عليك وقلبي يفرح بحلفك متزعليش

يا حبيبي مانا ماليش غيرك ولو تعبت انا مش حقدر اعيش

يا اجمل عصفور ازاي تغني وانتي يا عمري مبتناميش

يا ارق زهره ازاي تحلو الوانك وانتي م الميه مبتتسقيش

ازاي البدر ينور في ملامحك وانتي من قله نومك مبترتحيش

طب اقولك لو انا السبب انا موافق لو حتنامي متكلمنيش

يا حبيبتي اقفلي فوناتك او حتي عليا مترديش

حستناكي تصحي وقلبي يدعيلك بالهنا بس لما تصحي متنسنيش

اوعي تنسي حد حبك اوي ومن كتر حبه مبيخبيش

اناني في حبك اه بس عشان صحتك اي حاجه متهمنيش

حتي لو كلامي معاكي حيقل شويه انا موافق

حتي لو لهفتي حتاكلني زي النار انا موافق

حتي لو بعادك حياخد من راحه بالي انا موافق

كفايه اسمع صوتك مرتاح ينورالباقي من يومي

عشان بحبك احبك تشوفك دايما بالخير عيوني

عشان بحبك تنام حبيبي حتي ولو سهرت تستناك جفوني

حجرب لو وحشتني اوي ححضن صورتك واريح ظنوني

عشان بحبك يهون عذابي بس انتي يا قلب احمد ما تهوني