17 مارس
2.35 صباحا
 من الخميس الجاي حبدأ ان شاء الله باحتمال 90% مشروعي
صدقيني وجودك جنبي كان اهم حاجه كنت محتاجها منك
كمان اكتر حاجه كانت حتفرحك

الخواطر دي اتكتبت بتاريخ 1 فبراير 2015

من تاني

مسكت ورقتي وقلمي حكتب

من تاني راجع اكتب

 مش عارف كلام ولا خواطر

المهم راجع مدرستك واذاكر

بس عايز اكتب عشان افضل فاكر

فاكر !؟ هو انا من امتي نسيت؟

ولا يوم عدي في بعادك ما فيه حنيت

ولا حتي طول بعادك خلاني مره اسيت

ولا اقولك بصراحه ؟ انا احيانا اسيت

بس اسوتي كانت عليا وبناراسوتي انكويت

كتير كتفت قلبي وللي جواه اتحديت

مسكت فوني في ايدي وطلبت رقمك ومش رنيت

 قدرت انكر لهفتي عليكي وحتي عن نفسي خبيت

متعرفيش اد ايه وجع قلب بيقول حبيت

انا اللي بنيت من حروف اسمك ليا بيت

 Ahmedloveberryما هو ده البيت

ده اللي بجداره من الدنيا اتحميت

تتشغلي عني استناكي فيه وارتضيت

اشوف صورتك فيه احسك واحسني ادفيت

حتي مولودنا الجميل دلعته فيه وربيت

ازاي تحب حبي وتمل من غيرتي؟

ازاي تعرف وحشتك وتستغرب ردي؟

ازاي كل ما احتاجك تقول براحتي؟

طب لامتي حتفضل براحتك

لامتي الاسوه علي اللي بيحبك

لامتي مش حانن عليه وهو حنك

و لامتي باعده عنك وهو منك

وليه ترضاله تعبه وراحته عندك

ليه تخليني اخاف اقولك واحشني؟

ليه تصد وتجافي وتوجعني؟

من تاني رجعت اتكلم عن حبي

فهماني؟ حتكلم عن اللي جوا قلبي

حتكلم عن حب ملازم خطوتي ودربي

عارف حبيبي اني لما عرفتك حبيتك

مخترتش قلبك وبس لا.. انا اتمنيتك

حلمتك وعشتك وعن كل الدنيا انا بديتك

عشئت قلبك وحتي لطباعك رضيتك

واتمنيتك

سلمت قلبي وحبي وعمري ف ايدك

حتي في عز اختلافتنا مملتكش لا بلعكس هويتك

واتمنيتك

ضحكتي علي وشك ودمي يجري في وريدك

ليلي احب اعيشلك ونهاري بندهك و بريدك

وانت تستخسر فيا حتي رسايلك و بريدك

حتي رساله تقولي فيها بس ..احمد كيفك؟

معلش بدعي ربي تحب حب لقلبي يجيبك

يمكن ساعتها تحس بيا وتعرف اد ايه حبيتك