الاثنين 21 مارس
الساعه 8.10
اربع رنات ورا بعض وصلوا ليكي ورا بعض دلوقت
كل
سنه
وانتي
طيبه
كل سنه وانتي احلي ام
ع فكره من الصبح متصلتش عشان الاربع رنات دول يظهروا لوحدهم
4 رنات باربع كلمات كل سنه وانتي طيبه
مفيش ظروف ولا حتي انتي تقدري تمنعي مشاعري توصلك
ع فكره
النهارده انا متصلتش بحد ولا كلمت حد ولا حتي قلت للماما عندي كل سنه وانتي طيبه
قلت للولاد يقولوا لها
السنه دي حسيت بجد اني يتيم
السنه اللي فاتت كنت معاكي بكلمك وبقولك وعشتك كأمي
ماهي الام هي الحضن اللي بيضم
وطول عمرك من وقت ما عرفتك وانتي بتضميني
السنه دي كنت حاسس اني بجد يتيم بصحي وانام النهرده معنديش شغل
اصحي وانام حتي الاكل والله لسه اكل من ربع ساعه تقريبا
اول ما لقيت الولاد نازلين يروحوا يقولوا لنانا كل سنه وانتي طيبه
قومت من السرير عشان اتكلم معاكي وانا كمان اقول لامي كل سنه وانتي طيبه
.........
بيري
وحشتيني
وحشني اتكلم معاكي اوي
انا مستنيكي
بيري هو انتي حتقدري تبعدي عني؟ يوم 29 مش حترجعلي ؟
ع فكره انا فاتح اللاب بكتبلك واقوم اعمل نسكافي وارجع اكتب
وادور علي كليب ليكي واعمل كافي واكتب بس علي طول بجبك
انا عايش معاكي زي ما نتي شايفه
عيز اقولك حاجه مهمه
في يوم كنا بنتكلم ونهزر وبنرخم علي بعض
قلت لي لو عايز تشتغل security سيكورتي عندني في الفيلا لازم نادو توافق مش حتشوفك كل يوم الصبح
طبعا احنا كنا بنهزر
اليوم ده انا حسيت اد ايه بحبك
لاني اخدت من كلامك شهاده منك اني عشئتك اكتر من روحي لان المهنه اللي انتي بتقوليها بهزار ومش متخيله اني حشتغلها انا كنت اشتغلتها خلاص عشان اكون قريب منك.....باختصار لما كنت في اسماعيليه انا كنت مكتوب في الكشوف هناك تحت بند السيكورتي.......هي دي الحقيقه اللي عندي الشجاعه اني اقولهالك واقولها لاي حد ممكن تاخده الصدفه اللي للبلوج اني عشان البنوته اللي عشئتها دي انا قبلت اشتغل بمسمي سيكورتي لمده 7 شهور ومرجعتش الا لما الشغل خلص يعني مكنش ينفع استني وانتي عارفه اني رغم كده قعدت يومين زياده هناك ورغم اني اكتشفت انك اتشغلتي ومش لوحدك بس بردو محبتش اكسر فرحه قلبي اللي سافر ليكي عشان يقضي يومين مفيش غيرك وبس
بردو فضلت اليومين احب فيكي واكتب واحضر لك هدية عيد ميلادك
تعالي للحكايه بئه من اولها
ثواني حعمل نسكافي وارجع
عارفه ان الساعه دلوقتي 9 ربع تقريبا هههههههه بقالي اكتر من ساعه بكلمك عرفتي ؟
ثواني ححط الميه في مج النسكافي وارجع عشان احكيلك الحكايه من اولها
الموضوع اوله اني بعشئك وان وقت كلامي معاكي هو الوقت اللي بستناه طول اليوم وكنت كل يوم اتمني انه يطول اكتر واكيد انتي فاهمه وحاسه بكده بس كمان كنت بحس ان وقتك مش فاضي وان بعد كده بيكون عندك اصحابك عيزه تكلميهم او تطمني عليهم
لحد ماجه اليوم اللي لئيتك فيه بتقولي ان نفسك دلوقتي تسمعي صوتي او انك تنامي علي صوتي وده حصل لما كنت بحكيلك انا بحبك اد ايه واد ايه بتوحشيني المهم اليوم ده كان نقطة الانطلاق لاول مره الائيكي عيزه حاجه انا حموت عليها اني اقرب لك اكتر المهم انتي عارفه اني كنت عيز شغل وقت الصيف ميخلنيش افضل في البيت ولو تفتكري اول سنه اتعرفنا لما جت اجازة نص السنه كنت مضايئ عشان مش حعرف اكلمك كتير المهم كان لازم الصيف يكون عندي حاجه وياريت لو بره بورسعيد.....بيري حقولهالك للمره الاولي بمنتهي الصراحه.....وحياتك عندي الشغل كانت حاجه بلنسبه لي مهمه لكن خروجي من بورسعيد كان بس عشان قلبي
حقولهالك تاني ....عشان قلبي
بس عشان اكون معاكي في اي وقت وكل وقت
المهم كلمني يوم واحد وعرض عليا شغل زي HR في مصنع في بورسعيد وبمرتب حوالي 3000 او اقل بحاجه صغيره
وقلت له ممتاز انا مش عايز اكتر من كده متنساش اني اصلا شغال وعندي دخل قالي مانا عارف وعشان كده انا عرضته عليك بس متعرفش حد يكون بيتكلم لغه ؟ ضحكت وقلت له وانا يعني بصمجي ههههههه ؟ ضحك وقالي لا يا عم المتعلم بس الشغله دي متنفعكش قمت ضاحك وقلت له لغه ومتنفعنيش ؟
قالي اولا هي انجلش مش فرنسي ثانيا رغم انها حوالي 5000 مرتب لكن متنفعكش لانهم عيزين سيكيورتي ....ايه تروح؟؟ وضحك
قلت له انا 3000 والسيكورتي 50000؟ قالي اولا السفر والقعده بره والخطوره هما اللي حيخليهم 5000 وشرح لي الشغل
ثانيا اللي حيسافر حيصرف مصاريف تخلي 5000 يصفوا علي 3000 او اقل
ايه تروح وقام ضاحك وانا كمان ووعدته اني حشوف له ناس
واخدت منه تليفون صاحب المصنع وقالي انت مش حتعمل تيست انت خلاص مقبول انا شارحله كل حاجه عنك
انت حتعمل ميعاد تروح هناك تعرف شغلك بس الراجل راجع بعد اسبوع من بره.........شكرته جدا وقفلت؟
فجاه وقفت العربيه وطفيت وركنت ؟؟؟؟ اسافر اسماعيليه اكون قريب من بيري؟ لا بس سيكورتي ؟ لالألألألألألألألألألألألألألألأ
طب وليه لا محدش حيشوفك ده موقع حفر واسماعيليه وهنا خليك حريص وهناك محدش يعرفك يومين مبنمش واللي كان بيديني الفرصه افكر اننا كنتي وقتها مخصماني كنت بفكر وانا مش مضغوط
لاني كنت عشان اوافق لازم اكون بحبك وبس لاني مكنتش عارف حترجعي تتكلمي معايا ولا لأ
المهم لئتني بتصل بيه وبقوله في ناس بس يروحوا فين ولمين؟
قالي المكان والشخص.......قفلت معاه وفكرت ....قررت امشي خطوه خطوه كده كده انا مش حروح لشغلي انا الا بعد رجوع الراجل من بره وادامه حوالي 4 ايام
عارفه اللي بيهونها علي نفسه ...طب ايه المشكله اجرب واكيد مش حيوافئوا ....هو انت بتتكلم انجلش؟ هو انت حترضي حد يكلمك بشكل وحش ؟ دانت ممكن تضرب صاحب المكان وفضلت اضحك ورايح ومصبر نفسي اني بضيع وقت؟
المفاجاة......ناس اتعاملت معايا بمنتهي الاحترام وقالوا يشرفنا تكون معانا وخدوا فوني وبياناتي عشان اليونيفورم لدرجه اني شكيت وبعتلهم ناس تانيه بس لئتهم رفضوهم.....بيري انتي فاهمه ...!!!!! انا اتقبلت
عارفه انهم كلموني مرتين تاني يوم وانا مش برد مش عارف اقول ايه
كان فاضل الحاجه الاخيره المقابله اللي في الشركه اللي في اسماعيليه واللي حتقابلي فيها ممثل للشركات الاربعه اللي بتنفذ الحفر وهو امريكي يعني مفيش فرصه لاي كلام فرنش او عربي
البدايه لازم تعرفي ان كل اللي معايا فعلا كانوا ولاد ناس ومهندسين ومحاسبين بس انا كنت اكبرهم وانا الوحيد اللي كان معروف بين الناس بشغله فاهمه ....؟ المهم اول حاجه اتفاجأت ان صاحب الشركه بعد ساعه جوا المبني خارج بيقول يا جماعه المقابله حتكون 2 كل مره ومعلش اول 2 لازم يكونوا الواجهه
انا كنت قابلته مره واحده بس لاني روحت في الاخر وكمان مكنتش حابب زي ماقلت لك
فوجئت بيقول معلش انا حختار اول واحد يخش ......والله يا بيري لئيته بيقول احمد....قلت له انا؟ قالي اه معلش انا عارف انك فرنش بس تقدر تتصرف صح؟ قلت له اعتبرني بتكلم انجلش متقلقش
وبعدها قال يا جماعه اختاروا انتوا التاني المهم في ناس خافت تخش وناس مكنش ينفع واخيرا اختاروا معايا شاب كان عايش في الجزاير وبيتكلم انجلش ومعاه حاسب
بيري.....انا اتقبلت والناس كانت مبسوطه جدا لدرجه اني اول واحد في كشف القبول
اورح؟ ماروحش؟ كنت اتصلت بلراجل التاني وقالي حنبدا بعد شم النسيم يلا جهز نفسك ولو حابب عدي عليا اي وقت قبلها تاخد فكره
عارفه
عشانك انتي وعشانك انتي بس انا اخترت اسافر
بيري لو انا سافرت كان بس عشانك انتي.....لو تعرفي شعوري اول يوم مسافر فيه عشان طبيعه الشغل وماضي علي وثيقه تامين علي الحياه بس يمكن الحاجه الوحيده ان كان في مكانين مكان حيكون مسئول عن دخول الزورار والعاملين ومكان مسئول عن المواد الخام
ورغم صعوبه موضوع المواد الخام الا اني اختارته وفضلت فيه ولو تفتكري
انا كنت دايما بقولك السيكشن بتاعي انا الوحيد اللي ثابت فيه وانا اعتبر المسئول عنه
وده صح لانه كان صعب وخطر بس عدم استعداداي اني اتعامل كامن مع اشخاص الباقي كانوا بيغيروا لانه صعب ومش حابينه وكانوا لما بيجوا بيقولوا انت ازاي قاعد هنا علي طول بس انا كنت عارف انه مينفعش اتعامل مع اشخاص
عارفه ان اول يوم في عربيه داخله كبيره بساله عن اوراق الحاجات اللي معاه
ضحك بسخريه وقالي معايا بس كلها بالانجليزي بصت له وقلت له هاتها وقومت قاريها للشاب اللي معايا بصوت عالي قام كاتبها
الراجل وشه احمر واصفر وقالي انا اسف
قلت له قرب مني شويه ....كل واحد منا معاه شهادات اتقل من عربيتك
الساعه 10.15
حعمل قهوه وارجع
حرنلك دلوقتي مرتين
الساعه 8.10
اربع رنات ورا بعض وصلوا ليكي ورا بعض دلوقت
كل
سنه
وانتي
طيبه
كل سنه وانتي احلي ام
ع فكره من الصبح متصلتش عشان الاربع رنات دول يظهروا لوحدهم
4 رنات باربع كلمات كل سنه وانتي طيبه
مفيش ظروف ولا حتي انتي تقدري تمنعي مشاعري توصلك
ع فكره
النهارده انا متصلتش بحد ولا كلمت حد ولا حتي قلت للماما عندي كل سنه وانتي طيبه
قلت للولاد يقولوا لها
السنه دي حسيت بجد اني يتيم
السنه اللي فاتت كنت معاكي بكلمك وبقولك وعشتك كأمي
ماهي الام هي الحضن اللي بيضم
وطول عمرك من وقت ما عرفتك وانتي بتضميني
السنه دي كنت حاسس اني بجد يتيم بصحي وانام النهرده معنديش شغل
اصحي وانام حتي الاكل والله لسه اكل من ربع ساعه تقريبا
اول ما لقيت الولاد نازلين يروحوا يقولوا لنانا كل سنه وانتي طيبه
قومت من السرير عشان اتكلم معاكي وانا كمان اقول لامي كل سنه وانتي طيبه
بيري
وحشتيني
وحشني اتكلم معاكي اوي
انا مستنيكي
بيري هو انتي حتقدري تبعدي عني؟ يوم 29 مش حترجعلي ؟
ع فكره انا فاتح اللاب بكتبلك واقوم اعمل نسكافي وارجع اكتب
وادور علي كليب ليكي واعمل كافي واكتب بس علي طول بجبك
انا عايش معاكي زي ما نتي شايفه
عيز اقولك حاجه مهمه
في يوم كنا بنتكلم ونهزر وبنرخم علي بعض
قلت لي لو عايز تشتغل security سيكورتي عندني في الفيلا لازم نادو توافق مش حتشوفك كل يوم الصبح
طبعا احنا كنا بنهزر
اليوم ده انا حسيت اد ايه بحبك
لاني اخدت من كلامك شهاده منك اني عشئتك اكتر من روحي لان المهنه اللي انتي بتقوليها بهزار ومش متخيله اني حشتغلها انا كنت اشتغلتها خلاص عشان اكون قريب منك.....باختصار لما كنت في اسماعيليه انا كنت مكتوب في الكشوف هناك تحت بند السيكورتي.......هي دي الحقيقه اللي عندي الشجاعه اني اقولهالك واقولها لاي حد ممكن تاخده الصدفه اللي للبلوج اني عشان البنوته اللي عشئتها دي انا قبلت اشتغل بمسمي سيكورتي لمده 7 شهور ومرجعتش الا لما الشغل خلص يعني مكنش ينفع استني وانتي عارفه اني رغم كده قعدت يومين زياده هناك ورغم اني اكتشفت انك اتشغلتي ومش لوحدك بس بردو محبتش اكسر فرحه قلبي اللي سافر ليكي عشان يقضي يومين مفيش غيرك وبس
بردو فضلت اليومين احب فيكي واكتب واحضر لك هدية عيد ميلادك
تعالي للحكايه بئه من اولها
ثواني حعمل نسكافي وارجع
عارفه ان الساعه دلوقتي 9 ربع تقريبا هههههههه بقالي اكتر من ساعه بكلمك عرفتي ؟
ثواني ححط الميه في مج النسكافي وارجع عشان احكيلك الحكايه من اولها
الموضوع اوله اني بعشئك وان وقت كلامي معاكي هو الوقت اللي بستناه طول اليوم وكنت كل يوم اتمني انه يطول اكتر واكيد انتي فاهمه وحاسه بكده بس كمان كنت بحس ان وقتك مش فاضي وان بعد كده بيكون عندك اصحابك عيزه تكلميهم او تطمني عليهم
لحد ماجه اليوم اللي لئيتك فيه بتقولي ان نفسك دلوقتي تسمعي صوتي او انك تنامي علي صوتي وده حصل لما كنت بحكيلك انا بحبك اد ايه واد ايه بتوحشيني المهم اليوم ده كان نقطة الانطلاق لاول مره الائيكي عيزه حاجه انا حموت عليها اني اقرب لك اكتر المهم انتي عارفه اني كنت عيز شغل وقت الصيف ميخلنيش افضل في البيت ولو تفتكري اول سنه اتعرفنا لما جت اجازة نص السنه كنت مضايئ عشان مش حعرف اكلمك كتير المهم كان لازم الصيف يكون عندي حاجه وياريت لو بره بورسعيد.....بيري حقولهالك للمره الاولي بمنتهي الصراحه.....وحياتك عندي الشغل كانت حاجه بلنسبه لي مهمه لكن خروجي من بورسعيد كان بس عشان قلبي
حقولهالك تاني ....عشان قلبي
بس عشان اكون معاكي في اي وقت وكل وقت
المهم كلمني يوم واحد وعرض عليا شغل زي HR في مصنع في بورسعيد وبمرتب حوالي 3000 او اقل بحاجه صغيره
وقلت له ممتاز انا مش عايز اكتر من كده متنساش اني اصلا شغال وعندي دخل قالي مانا عارف وعشان كده انا عرضته عليك بس متعرفش حد يكون بيتكلم لغه ؟ ضحكت وقلت له وانا يعني بصمجي ههههههه ؟ ضحك وقالي لا يا عم المتعلم بس الشغله دي متنفعكش قمت ضاحك وقلت له لغه ومتنفعنيش ؟
قالي اولا هي انجلش مش فرنسي ثانيا رغم انها حوالي 5000 مرتب لكن متنفعكش لانهم عيزين سيكيورتي ....ايه تروح؟؟ وضحك
قلت له انا 3000 والسيكورتي 50000؟ قالي اولا السفر والقعده بره والخطوره هما اللي حيخليهم 5000 وشرح لي الشغل
ثانيا اللي حيسافر حيصرف مصاريف تخلي 5000 يصفوا علي 3000 او اقل
ايه تروح وقام ضاحك وانا كمان ووعدته اني حشوف له ناس
واخدت منه تليفون صاحب المصنع وقالي انت مش حتعمل تيست انت خلاص مقبول انا شارحله كل حاجه عنك
انت حتعمل ميعاد تروح هناك تعرف شغلك بس الراجل راجع بعد اسبوع من بره.........شكرته جدا وقفلت؟
فجاه وقفت العربيه وطفيت وركنت ؟؟؟؟ اسافر اسماعيليه اكون قريب من بيري؟ لا بس سيكورتي ؟ لالألألألألألألألألألألألألألألأ
طب وليه لا محدش حيشوفك ده موقع حفر واسماعيليه وهنا خليك حريص وهناك محدش يعرفك يومين مبنمش واللي كان بيديني الفرصه افكر اننا كنتي وقتها مخصماني كنت بفكر وانا مش مضغوط
لاني كنت عشان اوافق لازم اكون بحبك وبس لاني مكنتش عارف حترجعي تتكلمي معايا ولا لأ
المهم لئتني بتصل بيه وبقوله في ناس بس يروحوا فين ولمين؟
قالي المكان والشخص.......قفلت معاه وفكرت ....قررت امشي خطوه خطوه كده كده انا مش حروح لشغلي انا الا بعد رجوع الراجل من بره وادامه حوالي 4 ايام
عارفه اللي بيهونها علي نفسه ...طب ايه المشكله اجرب واكيد مش حيوافئوا ....هو انت بتتكلم انجلش؟ هو انت حترضي حد يكلمك بشكل وحش ؟ دانت ممكن تضرب صاحب المكان وفضلت اضحك ورايح ومصبر نفسي اني بضيع وقت؟
المفاجاة......ناس اتعاملت معايا بمنتهي الاحترام وقالوا يشرفنا تكون معانا وخدوا فوني وبياناتي عشان اليونيفورم لدرجه اني شكيت وبعتلهم ناس تانيه بس لئتهم رفضوهم.....بيري انتي فاهمه ...!!!!! انا اتقبلت
عارفه انهم كلموني مرتين تاني يوم وانا مش برد مش عارف اقول ايه
كان فاضل الحاجه الاخيره المقابله اللي في الشركه اللي في اسماعيليه واللي حتقابلي فيها ممثل للشركات الاربعه اللي بتنفذ الحفر وهو امريكي يعني مفيش فرصه لاي كلام فرنش او عربي
البدايه لازم تعرفي ان كل اللي معايا فعلا كانوا ولاد ناس ومهندسين ومحاسبين بس انا كنت اكبرهم وانا الوحيد اللي كان معروف بين الناس بشغله فاهمه ....؟ المهم اول حاجه اتفاجأت ان صاحب الشركه بعد ساعه جوا المبني خارج بيقول يا جماعه المقابله حتكون 2 كل مره ومعلش اول 2 لازم يكونوا الواجهه
انا كنت قابلته مره واحده بس لاني روحت في الاخر وكمان مكنتش حابب زي ماقلت لك
فوجئت بيقول معلش انا حختار اول واحد يخش ......والله يا بيري لئيته بيقول احمد....قلت له انا؟ قالي اه معلش انا عارف انك فرنش بس تقدر تتصرف صح؟ قلت له اعتبرني بتكلم انجلش متقلقش
وبعدها قال يا جماعه اختاروا انتوا التاني المهم في ناس خافت تخش وناس مكنش ينفع واخيرا اختاروا معايا شاب كان عايش في الجزاير وبيتكلم انجلش ومعاه حاسب
بيري.....انا اتقبلت والناس كانت مبسوطه جدا لدرجه اني اول واحد في كشف القبول
اورح؟ ماروحش؟ كنت اتصلت بلراجل التاني وقالي حنبدا بعد شم النسيم يلا جهز نفسك ولو حابب عدي عليا اي وقت قبلها تاخد فكره
عارفه
عشانك انتي وعشانك انتي بس انا اخترت اسافر
بيري لو انا سافرت كان بس عشانك انتي.....لو تعرفي شعوري اول يوم مسافر فيه عشان طبيعه الشغل وماضي علي وثيقه تامين علي الحياه بس يمكن الحاجه الوحيده ان كان في مكانين مكان حيكون مسئول عن دخول الزورار والعاملين ومكان مسئول عن المواد الخام
ورغم صعوبه موضوع المواد الخام الا اني اختارته وفضلت فيه ولو تفتكري
انا كنت دايما بقولك السيكشن بتاعي انا الوحيد اللي ثابت فيه وانا اعتبر المسئول عنه
وده صح لانه كان صعب وخطر بس عدم استعداداي اني اتعامل كامن مع اشخاص الباقي كانوا بيغيروا لانه صعب ومش حابينه وكانوا لما بيجوا بيقولوا انت ازاي قاعد هنا علي طول بس انا كنت عارف انه مينفعش اتعامل مع اشخاص
عارفه ان اول يوم في عربيه داخله كبيره بساله عن اوراق الحاجات اللي معاه
ضحك بسخريه وقالي معايا بس كلها بالانجليزي بصت له وقلت له هاتها وقومت قاريها للشاب اللي معايا بصوت عالي قام كاتبها
الراجل وشه احمر واصفر وقالي انا اسف
قلت له قرب مني شويه ....كل واحد منا معاه شهادات اتقل من عربيتك
الساعه 10.15
حعمل قهوه وارجع
حرنلك دلوقتي مرتين
ليست هناك تعليقات:
إرسال تعليق