الثلاثاء 15 مارس
10.51 مساء
 اوك عارف ان مفيش رد بس لما تقريه اعرفي اني كنت محتاجك اووي جنبي الايام دي
ان شاء الله حبدا من الخميس الجاي اول خطوات المشروع اللي قلت لك عليه

ع فكره بقرا في خواطرك لئيت حاجه غريبه اووي رغم كل حبي الا اني فضلت اغلب الوقت بستناكي وبستني مشاعرك وبستني منك كلمه طيبه
بيري انتي عادله معايا؟
لما حسبتي اني اي وقت قصرت ده لو كان حصل مسالتيش نفسك سؤال واحد بس ؟ انا اديته ايه عشان يحبيني اوي كده
اوعي تقولي او تحسبي اني زي غيري  لان مجرد خروجك معاهم او سفرك او كلامك معاهم طول اليوم
و في كل الاوقات ومنهم اللي يقدر يجيبك وقت ماهو عايز لانه يعرف من عنوانك لحد مقاس السابو بتاعك
مينفعش تقارني بينهم وبين واحد لما اتصلتي بيه مره وكان فونه مقفول لانه كان بيشحنه عشان يعرف يكلمك عليه تاني حلفتي ما حتكلميه تانيحوالي سنتين واحد مفروض انه من اغلي الناس مبتتصليش بيه !!!!!!!!!!!!
دي كتبتهالك مره كنت مع صحابي وحسيت اني اتشغلت عنك دقايق
تصدقي كل يوم كلامك بيتاكد
ايه الحوارات دي؟؟؟؟ ربنا يسامحك

بتاريخ 27 مايو 2015

ولحد امتي

كنت قاعد ويا زمايلي ناكل ونضحك فجاه سمعتك بتسأليني

هو انت نسيتني؟ لئتني سايبهم وقايم بكتبلك يمكن تسامحيني

بس انا كمان مكنتش ناسي انا كنت بشغل وقتي لحد ما تكلميني

ماهو انتي مجربتيش اسوة الانتظار والحبيب غايب ومشاعر تستناك لما تجيني

مجربتيش ان حبيبك يوحشك اول ما تفتحي عنيكي

مجربتيش ان الضحكة تهجر شفايفك وتستناكي زي مانا مستنيكي

مجربتيش ايد وحيده تنفرد وتنضم وكانها بتنادي ايديكي

مجربتيش قلب ملاه الشوء والوحشه رغم انه مليان حبيبتي بيكي

ولحد امتي توصلني وقبل ما الوصل يوصل تقطعني

ولحد امتي يا حبة القلب تفرحني وقبل م القلب يفرح تجرحني

ولحد امتي ف عز شوئي لصوتك بسيف غيابك تدبحيني

عيزك لما تنوي تبعدي علي بعادك ابئي عوديني

ومش حقدر اتعود طب تقدري تعدي عليا الوقت وبهجرك اوعي تحسسيني

اوعي القلب يوعي انك باعده لحسن يتألم ويوجعني

اتسرب واتسرسب ..اهرب بس شوفلي صبر بجد يقدر يصبرني

صبر يقدر لو حزن القلب في بعادك من حزنه يخرجني

عارف وقابل وكمان راضي لو غلطت ابئي بخصامك عاقبني

بس ازاي في عز ما راسي ف حضنك تبعدها حتي ما تودعني

متقولش دا يوم عشان انا لما بقفل واتصل دقايق بتوحشني

يبئي ازاي يوم يعدي من غير ما بقربك تطمني وتقربني

ماهو اصل وحدتي من غيرك ولو لدقايق بتاكلني

وبعدين حتي لو يوم ازاي جالك قلب من دفا صوتك تحرمني

تصدق اني روحت اتوضا فضلت كلمات خواطرك في وضوي تطاردني

اتوضيت وقبل ما اصلي كتبت لك البيت ده ياريتك كنت شايفني

بس الاهم يا نبض القلب قبل الشوف انك تكون حاسسني

تكون عارف ان البيت في غيابك غربه والاهل من غيرك مش عارفني

ان الليل مش بعده نهار وان الشمس بدونك تبردني

ان البحر مفهوش ميه وقمر الليل معتش بيواعدني

ان الفجر منورش الدنيا لو في يوم نورك غايب عني

نفسي ما تبعد عني ولا ابعد عنك حتي ولو في حلم تحلمني

ولو حتي في قربك حيره انا قابل بس قربني

ولو حضنك الطيب حسني بردان حلفتك حبيبي احضني