الاحد 27-مارس

2

مش عارف انام قبل ما اقولك تاني ادعيلي عارف انك بتخشي ع الساعه 3 تقريبا

حصحي 5 او 5 ونص

انا وانتي هما هما الاتنين اللي عمرهم ماتمنوا لبعض الا الخير

هما هما الاتنين اللي خافوا علي بعض

هما هما الاتنين اللي حبوا بعض كل واحد بالمسمي اللي بيريحه وبدون انتظار لتمن

حقولك سر يمكن يكون اخر سر ....انا رغم كل اللي بيحصل انا لسه بقرب منك واللي حيحصل كمان كام ساعه واللي مش حتعرفيه الا لما يحصل انتي اول هدف جوا عنيا وقلبي عشان كده بقولك ادعيلي عشان لو حصل مش حيكون لكام شهر وبس لااااا حيكون طواااال الوقت لو كان في العمر لسه وقت

معرفش اسكايب بيعلق تاني مش بيفتح لو مثلا حبيتي تقولي وحشتني مثلا او تترجيني اكلمك او كده اكتبي ع الياهو هههههههه

بهزر ..بس فعلا سكايب بيعلق مش بايظ بس بيعلق احيانا يفتح واحيانا لا

تصبحي علي خير 

حكلمك الصبح يمكن تردي عليا وانتي نايمه اسمع صوتك

بيري

نفسي اقولك حاجه

انا بحبك اوي 

اوي يا بيري

يعني ايه حب؟

يا حبيبي الحب مش مجرد كلمه من حرفين

حبيبي الحب جسر ممدود موده مابين قلبين

الحب يعني عشئ تلمحه العين من جوا العين

الحب نور ونار تنور للحبيب م العمر سنين

الحب يعني لو قلبك وجعك يحسها قلبي بدالك

الحب يعني لو ناقصك حاجه يكون حبيبك كمالك

الحب يعني في عز البعد تحس بحبيبك اهو ادامك

الحب يعني تفتح عينك تشوف بسمته يبدأ نهارك

الحب يعني اول ما تصحي تطمن عليه

يعني لو غاب شويه يوحشك وتحن اليه

يعني تشوف الدنيا مش بعنيك لا ..بعنيه

يعني لو عارفه نايم تنام وتحضن ايديه

لو صاحي تدعيليه ربي يسعده ويرضيه

يعني ولا صوت الا صوت تئعد مستنيه

يعني فرحك متحسوش الا ف لياليه

بتقول ذوبان ؟ اوعي تنسي ان الشمعه بتدوب م اللهيب

ولهيب الحب يسهر حبيب لحبيبه المريض ماهوحبه الطبيب

يدوب النوم في عيونه يوهبه لمريضه ولو كان مش قريب

لهيب الحب غيره ولهفه وشوق تلسع بحلاوه الجليب (القلب)

الحب يعني ادامك واوحشك

من غير ايادي المسك

ياحبيبي اتنفسك

في بعدك اندهك

في قربك ولو طيف احضنك

الحب يعني مفيش مسافه تبعدك

الحب يعني في كلامي اتكلمك

لساني يحب حروف اسمك ينطقك

الحب يعني شعور يسكت كلامي تنطق بداله الدموع

يعني كل اللي يزعل حبيبي من غير ما يقول ممنوع

يعني ندا قلبه بكل اللي يسعده يكون في قلبي مسموع

يعني افارئه بلهفه وبشوق استني وقت الرجوع

ماهوالحب من غير وعد تواعدي

من غير عهود تعاهدي

 زعلك من حبيبك تنساه وتعدي

لو محتاجك تقفي معاه وتساندي

من غير سؤال تريحي قلبه وتردي

الحب يعني اسعدك حتي ولو خدت من سعدي

مافيش زوبان من غيرنار

من غير نيران المراجل مافيش انصهار

الحب حلو بس لازم نضحي ليه

لازم نتعب وندور ونفتش عليه

لازم نمسك نتمسك بيه

لازم نديله عشان نحس بحلاوه غناويه

من امتي الورده بتكبر الا لما نتعب ونزرعها ؟

من امتي الارض بتطرح الا لما نحرثها ونئلعها

من امتي الليله تبقي جميله الا لما يجافينا النوم ونسهرها

حبيبي لو فرحتك في بلاد الارض حدور عليها واجمعها

لو بسمتك تايهه حلملم حلمك فيها ومن تاني ارسمها

لو حبك وجع حعدي عليه وبس اشوف ضحكتك حضحكها

لما تحبي حتشتائيني

حتتللللهفيني

حتدوري وتتعبي لحد ما تلاقيني

حتناديني

حتستنيني

حتحسيني

لو زعلتك

حتسامحيني

ساعتها بس تبقي

 بتحبيني

وان كان عليا فالشوق كاويني ف بعدك

ونديتك وندايا اغنيه وحكايه في ودنك

واستنيتك ساعات وايام وحنيني يضمك

وبسامحك قبل ماازعل ماهو قلبي ملكك

وسالت نفسي ليه كده

وساعتها بس عرفت اني

بحبك