3 مارس
2.34 صباحا
الي من احترمت حبها لدرجه جعلت منها مخلوق ليس من البشر
ليكي انتي بيري
يمكن دي تكون اخر مره اطلب منك تقري فيها اللي بكتبه بس مش حتكون اخر مره اكتبلك لاني مش حبطل اكتبلك باختصار معنديش غيرك وغير حبك ارتاح له وانا بكتبلك
بقول اخر مره حتقري لاني من دلوقتي انا حكتب لحبك
حكتب عشان اللي جوايا
حكتب لاني معتش حيفضل لي غير حبك احبه او افضفض معاه
بيري
كتبتلك الايام اللي فاتت معرفش قريتيها ولا لأ بس كتبت اني كنت بدور علي حاجه اعملها عشان اعرف بيها اكون زي مانا حابب
بره بورسعيد وكمان عندي مشروع اقدر اكبره مع الوقت ده بيني وبينك حصل بعد مجهود غير طبيعي
بس كنت شايفك ادام عيني حتي كنت مستني ابدأ الخطوات وبعدها كنت حوصلك حوصلك وحعرفك كل حاجه
النهارده كان عندي الميعاد الاخير للكلام عن الموضوع وانا اتصرفت الفتره اللي فاتت في راس المال كنت رايح وكأني رايح لك انتي
المشروع ده قبل اسماعيليه
وكنت مبسوط اني ممكن اوصل نشاطه للقاهره بس للاسف بعد الكلام النهارده مع الناس الموضوع طلع مش زي ما كنت متصوره
مش حيفيد كتير ايه الفرق الحاجه الوحيده المهمه انه الموضوع شبه اتفركش جوا دماغي ومعرفش حينفع ولا لأ
لحد امبارح كنت سايبك في اجازه وبقول اول ما تبدا مشروعك حتروح تخطفها
وكتبتلك وعد وان لسه اد الوعد بس مش عارف حيحصل امتي
اللي حصل انك كنتي لما تحتاجيني مكنتيش بتلاقيني
مش مهم بحبك اد ايه او ازاي المهم بيوصلك منه اد ايه والاهم ده بيشبع فيكي حاجات اد ايه
يا تري بتكتفي بيه ؟ اكيد مكنش بيكفيكي طول وقتك يمكن اوقات كانت المشاعر بتوصلك وبتحلي لياليكي
بس اكيد اغلب الوقت مكنتيش بتلاقي الحبيب اللي يملي اوقاتك
الغلطه مني اني استنيت انك تكتفي مني بطريقتي وده غلط اني لازم تحسي انك اكتفيتي من جواكي
ده شعور بيتعب انك تحسي انك مش قادره تكتفي بحد عارفه انه بيحبك
اقولك سر؟
انا عارف ان مجرد انك بتعملي حاجه انا مش بحبها ده ضغط عليكي بس كمان انا مش قادر اعمل لك كل اللي يرضيكي وميخلكيش تحتاجي لغيري
اناني؟؟؟ اكيد اللي يحب حد زيك لازم يكون اناني
اوجعك؟ لاااااا وافديكي برقبتي
واضح ان حبي ليكي بئه مصدر قلق ليكي لانك بتحاولي تخلصي منه مع كل مشكله
يمكن غلطت لما صارحتك بس بيني وبينك انا حفضل فخور ان حبي ليكي اتولد وعاش وحيعيش علي الصدق
انا مكذبتش
حبيت قلت
زعلت قلت
وحشتيني قلت
عمري ماكذبت ولا داريت
عشان كده حبك عندي حاجه ملهاش مثيل
انا احترمت حبك واحترمتك اكتر حتي من نفسي
عشان كده يمكن اتنرفزت لما اتكلمنا اخر مره اصل قولي اللي تحبيه الا موضوع اني بكذب عليكي
عموما مش حكرر الكلام
وبعدين موضوع اني اسامحك او مسامحكيش دي متصدقيش اني اقدر ازعل منك
لو قلبي اتكسر فده لانه حبك بدون ما يحسب اي حسابات
بيري
انا اللي كسرت قلبي مش انتي
انا اللي مسكعتش كلامك لما قلتي لا بلاش
بس انا مش خسران لاني حبيتك حب مينفعش كنت احبه لغيرك وحفضل احبك لاخر يوم في عمري
حتشوفي وتحسي
انا بس كاسر قلبي بعادك عني
انا النهارده بقولك كده لاني بعد اللي حصل معرفش حعمل ايه حدور من تاني علي مشروع جديد  بس انا مش حقدر احبسك جوايا وانا مش قادر اوصللك احساسي بلطريقه اللي انتي بتحسيها مش قادر اكون لك زي ما انتي محتاجه
احساسي ليكي بيسعد اوقاتي بس مش قادر يسعدك انتي كنت سايب  صدقه يوصله ليكي بس البعاد كان صعب عليكي
لما المشروع ده كان حيتم كنت كمان حكون قريب منك انا كنت عامل خطوات اوصل النشاط للقاهره خلال اسابيع قليله
صدقيني يمكن كنت الشهر الجاي ف القاهره
والموضوع كان حيستمر وشغل مستمر بره بورسعيد ومن بعد المغرب شغل في بورسعيد والشغل لحسابي يعني مشروعي
عارفه كل حاجه كانت حلوه
بس محصلش نصيب
معلش حلاقي غيره ان شاء الله
بس في الوقت الحالي مش حقدر حتي احاول احبسك جوايا
بيري بحبك لدرجه تخلي اي حاجه جنب راحتك ملهاش قيمه
مش حقدر اخليكي محتاجه لحبيب مش حاساه بس سمعاه
والله انا بحبك
بس للاسف انا بس الظروف كانت رخمه ولما بعدتي حسيت لاول مره انها اقوي مني
بس انا حرجع الم نفسي تاني والائي المشروع اللي بدور عليه
وارجعلك
بس عارفه بيري
انا مش حبطل احبك
حقولك تاني حفضل مسامحك
لو قلبي اتكسر فده مش غلطتك
انا بس اللي ظروفي كانت عبئ علينا
كان بجد نفسي تكون افضل من كده 1000000000000000000000000000000مره عشان بس مخليش حاجه مقدرش اعملها
تسعدك عارف انك مش محتاجه حاجه بس انا بتكلم عن حبيب حبه مخلي كل اماله انه يسعد حبيبه بكل ما يستطيع حتي ولو حبيبه مش محتاج
مش حتصدقي لو قلت لك لو كنت اقدر كنت كل يوم صبحت عليكي ببوكيه مرد بلدي علي باب فيلتك مش رساله ع فونك
كانت كل  كلمه بحبك او خواطر كانت اتكتبتلك علي ورقه ورد واتبعتتلك جوا بلكونتك مش ع النت
كا كل مكان قلت لك فيه بحبك اشتريته عشان محدش يعدي عليه بعد ماتقال فيه اسمك
كان ....وكان ....وكان
ححكيلك كل يوم حكتبلك فيه حبك اد ايه
انا بحبك