الثلاثاء 22 مارس
الساعه 12.25 صباحا
مينفعش تقرأي هنا قبل ما تكوني
قريتي اللي قبلها لانها بتكملها
انت وحشتني
وانا بكتب الجمله دي افتكرت
صوتك " احمد ...احمد "
- قلب احمد
- وحشتني
ربنا ما يحرمني من كل لحظه
عشناها سوا بيري
لسه بكتبلك لانك معايا
المهم معلش وان بعمل الكافي
الولاد رجعوا هههههه قلت اوك انزل اكلمك في الفون ههههههههه
بعدها افتكرت انك بس سايبه حضني
كام يوم... اسبوع ....شهر بس راجعه قلبي حاسك متابعاه
للاسف مش بعرف لان كل مره انا
بخش بيتحسب اني دخلت ولو قريت يبقي مره تانيه يعني لخبطه ومش عارف احسبها بتخشي
ولا لأ بس اقولك .....حاسك بتخشي قلبي بيرتاح لما بخش
انتي شوفتي طول وجودي في البيت
مفتحتش النت اكلم حد ولا حتي فتحت التليفزيون انا عشت لك
وعشت معاكي انا برتاح وانا
معاكي ...المهم مكان كوني عطرتيه بوجودك
بيري لحد دلوقتي مش عيز اكلمك
برقم غريب عشان عيز مضيعش احلي هديه منك ليا انك تردي علي الرقم اللي كل عدد فيه
بيموت في التراب اللي بتدوسي عليه
لاول مره اكون محتاج احسك راجعه
لحضن حبيبك مش انا اللي خطفتك
عيز احس اني لما حبيت ..حبي
ليكي قدر يثبت لك انه صادق من غير ما عنيكي تشوف عنين الحبيب وقلبك هو اللي حس
بصدقه
المهم اكملك
انا كده خلاص اتقبلت وبدأت وزي
ما قلت لك اخترت بوابه وسكشن المتيريال عشان محسش اني سيكورتي زي اللي في المولات
او اللي عندك في الفيلا ...هههههههه
المهم حصل زي ما قلت لك واللي
قالي انجليزي والكلام ده
افتكرت حاجه مهمه
اووووووووووووووي
اول يوم
عارفه بيري اتجمعنا في بورسعيد
واخدنا باص صغير الشركه جابته احسبي حوالي ساعه ونص اعتقد اني يادوبك صبحت عليهم
وقلت لهم صباح الخير
بعدها انا منطقتش كلمه واحده
........ساعه ونص بفكر.... بس بفكر ايه اللي حيحصل وليه؟
اصعب ساعه ونص في حياتي انا
بنفسي سايب شغل بشهادتي انت عارفه اني كمان معايا ادارة اعمال
ورايح اشتغل سيكورتي .......
لدرجه ان ناس كتير منهم سالوني مالك مردتش عارفه اللي يقعد جنبك ويكلمك وانتي مش
معاه وتسمعي بئه بكره تاخد وبكره تتعود وانتي مش فاهمه تتعود علي ايه وتاخد علي
ايه انا مسافر بس عشان افضل جنب حبيبي
صح مكونتش مرتاح بس كنت خايف
كمان هو ده رد فعله ايه عليكي
خلي بالك كنت لسه متخاصمين
اه والله يا بيري كل ده حصل
واحنا مش بنتكلم او ع الاقل انتي مش
بتكلميني
انتي مش متخيله
ممكن يقولولك تعالي نطلع رحله
وتلاقي المكان او الفندق مش نضيف متكمليش او تقولي اهو يومين وخلاص لكن عمرك ما
حتسيبي فيلتك وتروحي تسكني في روض الفرج
انا عملت كده مش عشانك لا انا
بقولك اد حبك هو الاول والوحيد عندي
معنديش اهم منه ولا غيره
هو اللي حبك للدرجه دي ممكن
يكون بيعمل حوارات
بتقولي اخر مره احمد مش زي ما
هو يعني اتغير صح ؟ بيري حتي في عز زعلي منك حبك مقلش
بلعكس حتي وانا شايفك بتعملي
حاجات بتضايق بحبك
حتي وانا مش الاول بردو بحبك
عارفه انا قلت سيبها تبعد شويه
عشان تشوفي انا ايه لان ممكن تواجدي في حياتك كل يوم واقولك بحبك ده يخليكي تملي
او تزهئي
طب اديكي بعدتي ...ارتحتي ...قلت لك وحقولك تاني لو بتخشي هنا يبقي كلمه
بحبك وحشتك
يبقي حبي مهم عندك يبقي حتي لو
حسيتي بزهق دي حاله وبتمر بس دلوقتي ممكن
تكوني فهمتي وتحسي ان اللي جوايا حب حسيتي بيه حتي وانتي بتحاولي تخليه وهم او حلم
بيري......انا بحبك بكل حرف
كتبته و بكل نفس خرج مني من وقت ما عرفتك وبكل صوت خرج من بين شفايفي من وقت ما
عرفتك كل شويه اقولك المهم واكمل بس دلوقتي لازم اقولك حاجه واحده لو في مهم فهو
حبي ليكي
انا عملت كل ده بس عشان اكون
جنبك ...بس كده
انتي مطلبتيش بس انا اللي حبي
ليكي اقوي حاجه جوايا
ع فكره مقولتش كان؟ ومش حيحصل
اني اقول كان لانه دايما حيفضل عايش
طول ما في القلب نفس حيفضل حب حتفضلي بيري
وعدتك بصبر واني اصبر علي بعادك
صبر انتي تتعبي منه وبجدد وعدي ليكي
حتي لو 29 محصلش حاجه حفضل
اكلمك واقفل لان كل رنه بتقولك صباح الخير
انا نزلت
انا راجع
انا ف الكافي
ولو اكتر من رنه اعرفي اني
بقولك وحشاااااااااااااااااااني
او اني
بحببببببببببببببببببببببببببببببببببببببببببببببببببببببببك يا بيري
مش حتصدقي اني ساعات بخش هنا
اكتبلك واحس انك موجوده
اكيد بتقري حاجه غير اللي
بتقريها لاني مبكونش لسه نشرتها بس والله بحسك وبوجودك ده بيحصل احيانا ومعنتيش اي
برهان بيحصل فعلا ولا لأ بس اهو انا اتعودت اقولك
متهيالي كمان انتي فاكره
وبكلامك انتي انك مكونتيش بتردي عليا عشان ارجع
طبعا انا مكنتش فاهم كده
بس عارفه كل ما كنت اقول ارجع
سفرك مجبش نتيجه
كنت بقول طب افرض مره من المرات
انها احتاجت تسمع صوتك وانت خلاص رجعت حتقدر تنام لو حسيت انك قصرت في حئها
كمان كنت بسال نفسي سؤال مهم .
يا تري حتقدر تنام لو حسيت ان قلبها مش مبسوط عشان مقدرتش تكلمها لما احتاجتك طبعا
ده ملوش دعوه بيا لاني محتاجك كل ثانيه
بس عيز اسالك ازاي بيجيلك قلب
تنامي وتكلمي صحابك وتضحكوا ونا كل يوم مدبوح في حبك؟
بس كمان عيز اقولك مش كل يوم
حتلائي حبيب بيحب وبس
مستناش مطلبش مشرطش.....بس حب
بوحشك؟ بتخش هنا تشوفيني كاتب
ولا لأ؟
ولو كاتب كاتب ايه؟
بتوحشك كلمه بحبك مني؟
ياتري اول ما بعدتي كنتي بتخشي
كل اد ايه؟ ودلوقتي كل اد ايه؟
لو دخولك بئه اكتر يبئي بوحشك
لما اطلب واترجاكي واتمني منك
اني اعرف عنك اللي الناس المهمين عندك عارفينه ده كتير؟
لما اكون بكلمك والمفروض اقفل
عشان في حد لازم تردي عليه ومنقدرش نقوله استني دلوقتي
ده طبيعي؟ لما اكون بكلمك ع
الرقم اللي بيتقفل لو مش عيزه تردي برغم ان الرقم التاني مع بعض الناس وانتي عارفه
اني عمري ما استخدمت حاجه ليكي الا باذنك
عارفه اني بكلمك وناس بتتصل ع
الرقم التاني وكأن الرقم ده هو الرقم اللي
بيتكلم عليه الناس العاديين لكن الرقم التاني ده بتاع الناس القريبه منك
يالله
اد ايه اتمنيتك
اد ايه اترجيتك
اد ايه استنيت الفرحه من ايدك
بس اد ايه اللي كان بيحصل ده
بيجرح
اوي يا بيري اوووووووي
انا؟
طب اوك بس ليه؟ طب اعمل ايه؟
ازاي اكون اقرب ولو حبي مقربنيش ايه حيقربني؟
مانا معنديش اغلي من حبي ليكي؟
بيري انا راجع تاني بقولك لاني
بجد خلاص في خلال ايام حبدأ مشروع صغنن بس ممكن يكبر لو نجح
انا تقريبا حكون مسئول عن توزيع
منتجات محدده زراعيه مطلوبه في بورسعيد حجيبها من مزارع جنب بورسعيد بنفسي لو ربنا
اراد حكبر الدنيا يعني اجيب عربيه ربع نقل ويكون في مقر للتوزيع هنا
فاهمه؟ حاجه ختكبر بالمجهود وده
الشئ اللي كنت بتمناه من زمان
حتحرك كتير؟ حجري
عشان كده محتاجك
وجودك في حياتي دلوقتي مهم جدا
بس عشان مضحكش عليك
مش موضوع شغل وبس
لا انا محتاج حبيبتي
محتاج الهدف
فاهمه؟ كنت دايما بقولك انا
حابب اكون مرتاح في شغلي عشان احبك براحتي
دلوقتي بتحرك بدافع قديم من
عندك انتي
بس لما بحس اني بقرب مش بكون
فرحان
بس بردو انا عايز حبيبتي
عايزك انتي
بيري عندي اقتراح
لو لسه بتخشي يبقي مش بتنسي
الراجل اللي من بورسعيد ده وبيموت فيكي
طب ايه رأيك؟ انتي مشيتي ضدها
في كل يوم كافحتيها وحاولتي تخليني اتراجع عنها
طب ما تيجي تمشي معاها المره دي
كل مره بنبعد مش بقدر وبرجع ...
طب ما تجربي نقرب ايه رايك؟
حتي عشان تقولي انا عملت اللي
عليا
بيري مره حاولي تعيشي شعوري
ليكي بكل ما فيه
ايه رايك جربي تتحبي بجد
جربي تخلي حد عندك الاهم عشان
بيموت فيكي
طالما هو لسه جواكي ماهو لو
بتحني تخشي يبقي انا لسه جواكي
بيري
بالله عليكي
وحياة احمد عندك
ماتضيعي قصه الحب دي
ايه رايك حستناكي النهارده ع
الاسكايب
او بكره ع الفون
او يوم 29
بس في كل الاحوال خدي قرارك
النهارده
بس لو قررتي مترجعيش بعد اذنك
حتي كل سنه وانت طيب مش عيزها
لانها حتبقي كلمه للمجامله احنا
متعودناش عليها لانك متأكده اني مش حكون طيب
عارفه لو فضلتي لوحدك 10 دقايق
بس
افتكري كام مره قربتلك وكام مره
بعدتي
كام مره واصلت وكام مره هجرتي
كام مره قبلت وكام مره رفضتي
كام مره حنيت وكام مره حنيتي بس
بعدها هربتي
حعمل لك مفاجاه اخيره
اللي حتقريه دلوقتي دي رسالتك
ليا السنه اللي فاتت في عيد ميلادي كنت مسيفها عندي
كل سنه وانت لقلبي مصدر السعاده كل سنه وانت لروحي توامه
كل سنه وانت معي يا أطيب قلب واحن إنسان كل سنه وانت
أغلى ما في الحياه يا كل الحياه
ايه رايك اقولك علي حاجه غريبه؟
كل ده كان قبل اسماعيليه والسفر
وكل ده
انا كنت توأم روحك من قبلها
طب بالله عليكي اللي حصل ده كله
ميخلنيش الاهم
راضيه علي تؤام روحك ينام كل
يوم وعينه مليانه بلدموع وقلبه بينزف؟
ارجعي ووعد ما حنتكلم عن اي
ماضي وحش
بس ارجعي حبيبه لحضن حبيبها
ممكن اطلب منك طلب
لو حستناكي سيبي بس رساله ع
الاسكايب عرفيني
لو قلت اوك يبقي حستناكي في كل
التواريخ والمواعيد لحد ما تردي عليا يوم هنا او اسكايب او فون
لو عيزه ميعاد محدد اكتبيه ووعد
ما حيحصل اني اخش اكلمك لو مثلا قلتي 29 مش حخش اكلم الا يوم 29
مش يمكن عشان عارف اني حكلمك
يومها وعارف انك بس محتاجه وقت تشوفي حتعملي ايه احضر نفسي عشان مثلا اقولك حاجه
تفرح عن شغلي مثلا
هو اللي بقوله ده هبل؟
اقولك.....اللي يرضي قلبك انا راضي
بيه
ربي يملي قلبك بلفرحه
انا دلوقتي حبعت رساله علي فونك
يمكن قلبك يحس ويخش هنا
بالله عليكي لو لسه بتحسيب يا ودخلتي
لئيتي الرساله دي
بالله عليكي لتسعدي قلبي من
تاني
ليست هناك تعليقات:
إرسال تعليق