انا بحبك كده
مش حقول كنت لاني لسه بحبك
رغم اني زعلان منك وعمري ما حسامحك اني  هونت عليكي للدررجه دي
اكيد كلامي ليكي حيخرج يوجع قلبي وقلبك عشان كده بفتكر كلامي في حبك

الف قصة حب

لما بئولك كلمه بحبك تطول حروفها علي لساني

 بحب حروفها علي شفايفي وبحب اعيدها من تاني

مع كل حرف القلب يحن من كتر مانتي حبيبتي وحشاني

بعشئ عنيكي وبشوفها دنيا جميله م الدنيا وخداني

واحس بلمسه ايديكي وحرارتها لو حتي مسافه بعداني

تتشبك صوابعنا وتضم ايادينا والمح شفايفك ندهاني

تتلفلف دراعتنا حوالينا ترتاح قلوبنا حاضنك وحضناني

تخرج انفاسك امواج في صدري واتمني لو زمني ينساني

وافضل جوا حضنك ماافارئه لحظه وتعيشي جوايا سكناني

تفضلي لمساني

شيفاني

يفضل حنانك علي باب قلبي تفضلي مطمناني

لا بعاد باعد يقدر في يوم يبعدنا

نعيش في اليوم الف قصه حب تفرح قلوبنا وتسعدنا

من دنيتنا ومن العالم لجزيرتنا تودينا و تاخدنا

نوشوش موج بحرنا بكلام حبنا نحكيله قصتنا

نوصيه يوصل لكل العشاق رسالتنا وحكايتنا

يفوح البحر بعطر حبك ونشوف علي صفحته صورتنا

صوره جسدين بقوا واحد من كتر ما من بعض قربنا

انا وانتي لو حدنا نعيش ونطير لو توحشنا سحابتنا

لو وحشتنا رقصتنا في حضن بعض واغنيه تدوبنا

لو بايدي مافارق يومك ولاحلمك

اسالي نجوم الليل اد ايه بحكيلها عنك

حبيبي العمر مش محسوب لو مش قريب منك

بحب اقول بحبك واحب اقول حبيبي واحب حروف اسمك